SMB 3-1 TUYO
Sa naposte nilang duha ka sunodsunod nga linubnganay nga kadaugan, dili ikalimod nga grabe na ka inilog ang defending champions San Miguel Beermen sa ilang pagpakigharong og balik sa Brgy. Ginebra Gin Kings karong alas 7:00 sa gabii sa Game 4 sa Philippine Basketball Association (PBA) Commissioner’s Cup finals series sa Araneta Coliseum.
Human sila nasubhan og dakong kapildihan sa Game 1, 99-127, bangis nga panimalos ang gitubag sa Beermen ngadto sa Gin Kings sa Game 2, 134109, ug Game 3, 132-94, aron pagposte og 2-1 nga bintaha sa best-of-seven series.
Apan alang kang Beermen coach Leo Austria, wala pa’y angayang ikasadya ug layo pa ang dalan nga ilang pagatahakon paingon sa korona.
“Though we scored two straight blowout wins, we got only a 2-1 lead, and it’s still a long way to go. We need two more
wins to defend the title,” asoy ni Austria sa interbyu sa PBA.PH.
Giangkon man tuod ni Austria nga nakahatag og dugang kadasig kanila ang sunodsunod nilang dagkong kadaugan apan gipahimangnuan niya ang iyang mga batos dili molugak bisan gamay.
“What I want to impress to my players is this is just one game, so yung overconfidence hindi kailangan mag-set in,” dugang ni Austria.
Si Ginebra coach Tim Cone nasagmuyo og grabe sa nahitabo kanila apan sa mga sitwasyon nga sama niini, labing seguro, nasayod ang multi-titled coach sa iyang pagabuhaton.
“SMB tore our hearts and demoralized us. A truly great performance by them on both sides of the ball. We were simply embarrassed. I was embarrassed,” asoy ni Cone.
“The bottom line, though, we still have to remember that it’s a seven-game series, and the score is only 2-1”
Apan ang import sa Beermen nga si Renaldo Balkman gusto gyung mopusgay sa bisan unsa’y nahabiling nga kadasig sa Gin Kings aron hingpit nilang
malampos ang tahas ning
maong series.
“If we keep playing like that, I would get what I want. But at the same time, it’s one game a time,” matod ni Balkman, kinsa maoy nangulo sa Beermen sa Game 3 pinaagi sa iyang 28 puntos.