NAKIG-SEX SA PATAY NGA UYAB
Nangangkon ang usa ka babaye nga nakig-sex siya sa kalag sa iyang uyab dihang gibisita siya usa ka kagabii human kini namatay.
Matod sa taho sa Metro News nga ang babaye naila lang sa pangalan nga Simone nga nitug-an kini nga seguro siya nga ang kalag mao ang iyang kanhi uyab dihang gihinabi siya sa programa sa radyo nga The Edge didto sa New Zealad.
Nitataw si Simone nga lami kaayo ang gibati human sa ilang gibuhat.
Iyang gipadayag nga anaa sila sa long-term relationship apan nipanaw na ang iyang uyab, butyag niya sa host sa programa sa radyo nga silang Jono Pryor ug Sharyn Casey.
Midugang siya nga sa matag karon ug unya kanunay siyang bisitahon sa namatay na niya nga uyab.
Ang mga nagdala sa programa sa radyo nangutana sa ilang mga tigpaminaw kon aduna ba silay kasinatian uban sa mga kalag.
Mipasabot sa iyang bahin nga kasinatian, si Simone namahayag nga makabantay siya nga anaa ang kalag sa iyang uyab sa bisan asa nga dapit ilabi na kon anaa kini sa kwarto.
Maghikabhikab siya sa higayon nga mopaduol na kaniya ang iyang namatay nang uyab.
Ang sa programa nga si Sharyn nangutana kang Simone kon tingali og damgo lang kini.
Apan iyang giklaro nga adunay kasuod nga nalambigit apan di sila maghawok hinuon adunay pagbati nga nalambigit niini.
Niadtong milabayng tuig, si Amethyst Realm, nibutyag nga gibiyaan na niya ang mga lalake ug nakighilawas siya sa mga kalag.
Nangangkon siya nga nakig-sex siya sa moabot 15 ka mga nagkadaiyang kalag nga pulos niya mga hinigugma ug ning bag-ohay lang nahigugma siya sa usa ka kalag kinsa naghisgot kaniya nga maghimo silag mga bata.
Niestorya siya sa New Idea nga daw sa giisip siya nga buang ning iyang gibuhat apan mao kini ang iyang gusto.
Ang 29 anyos nga nipakita sa programa sa telebisyon nga This Morning niadtong Disyembre ug nahingangha ang mga
host sa iyang gibutyag nga nakig-sex siya og mga kalag. /