Football coach mipakita sa iyang kinatawo atol sa duwa

Gi-ban ang usa ka youth

football coach sa mga duwa sud sa tulo ka tuig human iyang gipakita ang iyang kinatawo ngadto sa dumadapig sa ilang kontra.

Ang taho sa Metro News nagtumbok kang Keith Steinmetz, 58, mipakita sa iyang kinatawo dihang iyang team na Newcastle United nakigduwa batok sa Tottenham Hostpur didto sa Wembley niadtong Mayo ning tuiga.

Si Steinmetz, kinsa usa ka apohan, igo lang nibawos sa abuso nga gihimo sa mga dumadapig sa Hostpur.

Ang korte nakadungog nga iyang gihubo iyang karsone ug gipakita ang iyang kinatawo ngadto sa mga dumadapig sa ilang kaatbang mga singko ngadto sa 10 minutos samtang nakainom siya.

Matod ni Prosecutor Brian Pain nga ang coach gipriso.

Giangkon ni Steinmetz nga nagpakita siya sa iyang kinatawo hinungdan nga may balaod siyang gilapas busa gipapiyansa siyag £600 sa North Tyneside Magistrates Court.

Gireklamo ang coach sa Football Association ug nisuway siya sa pagsupak sa mando nga i-ban siya apan mipakanaog og desisyon ang korte.

Ang iyang abogado nga si Jonathan Stirland namahayag nga usa siya ka propesyunal, adunay pamilya nga wa malambigit og kagubot kaniadto ug nagtrabaho sa Health and Safety Executive.

Gihulagway niya nga nadala lang sa emosyon si Steinmetz ug nipasalig nga di na niya kini buhaton.

Midugang siya nga ang iyang kliyente nauwaw kaayo sa iyang gibuhat. /