CONE: KAZAKHSTAN BABAG SA GILAS

Taas og panglantaw si Ginebra coach Tim Cone sa bagong naporma nga Philippine team nga mopakita og aksiyon sa 2018 Asian Games, bisan tuod og iyang gipadayag nga malisod nga tahas ang sagubangon niini.

Si Cone, kinsa maoy nagcoach sa Philippine team niadtong 1998 nga nakadala og bronze medal, mibutyag sa iyang pagsalig sa sistema ni coach Yeng Guiao ug ingon man sa komposisyon sa team.

“Coach Yeng, to me, is a really good coach to this kind of thing where it’s quick. His system is simple in its beauty. He can teach it quickly, and I think guys can get into it,” matod niya sa dihang gikahinabi sa ABS-CBN.

Apan taliwala niining tanan, di malalis nga ang team aduna lay hamubong panahon sa pagpreparar tungod sa kalit nga pag-usab sa desisyon sa Samahang Basketbol ng Pilipinas (SBP).

Kini maoy pangutana nga sa samang higayon nakapaduda ni Cone sa kapabilidad sa national team.

“The question is always gonna be preparation. Can he really prepare as far as he wants?” ingon niya. “A lot of it (also) depends on, is China sending their best team? Is Iran gonna have (Hamed) Haddadi and all those guys there?”

Alang kang Cone nga ang first game sa Pilipinas batok sa Kazakhstan sa Agusto 16 maoy krusyal sa Gilas. Kini tungod kay ang Kazakhstan, fourth placer sa 2014 Asiad, gihulagway nga usa sa pinakalig-ong team sa tournament.

“I think the biggest thing about the whole Asian Games for this one is winning their first game. They must beat Kazakhstan in their first game,” sumpay ni Cone. "Kazakhstan is tough.”

Sa 2014 Asian Games ang Kazakhstan hapit mapildi sa Pilipinas, 67-65. Nagtuo si Cone nga ingon ani usab ka hugot ang duwa karong Huwebes.

Sinati ni Cone ang dinuwaan sa Kazakhstan kay ila kining napildi sa bronze medal game sa 1998 Asiad.

Kon mapildi sa Kazakhstan, ang Pilipinas kinahanglan nga modaog batok sa China sa sunod nilang duwa ug nagtuo si Cone nga mas dako ang Gilas og tsansa niining duwaa.