'Drug queen' nasikop; P1.3-M shabu nasakmit

Usa ka ginang nga giilang

'drug queen' ug dili mominos P1.3 milynes nga kantidad sa shabu nasakmit sa managlahing operasyon sa kapulisan sa habagatan sa Sugbo. Ang mga sakop sa Provincial Intelligence Branch (PIB) ug Provincial Drug Enforcement Unit (PDEU) inabagan sa Talisay City police station nilhimo og drug bust operation sa usa ka motel sa Barangay Lawaan.

Ang nadakpan giila nga si Rowena Cavalda alyas Wenay, 43, taga Sitio Rattan, Barangay Tangke.

Nakuha gikan kaniya ang lima ka medium packs sa gituohang shabu nga motimbang sa 28 gramos nga ilang gibanabanag moabot sa P322 mil.

Matod ni Sr. Insp. Alejandro Batobalonos, team leader sa PDEU, usa sa mga kauban niining Cavalda maoy naghatag nila og tip.

Giila siya nga namaligya og drugas sa Tanke sa dugay nang panahon apan idlas sa awrtoridad.

Sa gawas na sa Tanke siya namaliya tungod sa 24oras nga presensiya sa mga sakop sa Regional Mobile Force Battalion (RMFB) sa maong barangay.

Giangkon ni Cavalda nga namaligya siya sa ilegal nga drugas apan bag-o pa tungod sa kalisud ug aduna pa siyay gigastohan nga mga anak nga nag eskwela pa.

“Daghan kaayo akung anak sir unom ka buok, nya naa pa sad koy eskwela mao ning misulod ko ani, pero bag-o pako ani sir, akoa gani ang kwarta nga gipuhonan ani,” matod ni Cavalda.

Nitug-an siya nga mag gamitan siyag drugas makausa sa usa ka adlaw aron mahupay ang iyang sakit sa baga.

Samtang, kapin sa milyon ka pesos nga balor sa druga ang nasakmit sa mga pulis sa Mambaling police station gikan a usa usab ka ginang sa Sitio Puntod, Alaska Mambaling niadtong Martes sa gabii. Ang nasikop giilang 'drug

queen' nga si Divine Mijares 25, nagpuyo usab sa maong dapit, nakuhaan og duha ka medium ug tulo ka dagkong pakete sa gituohang shabu.

Motimbang kinig 90 gramos nga gibanabanag mokabat og P1,062,000.

Matod ni Chief Insp. Randy Caballes, hepe sa Mambaling police station, ng ilang dinakpan nga si Mijares maoy hulganan sa supply sa drugas kung adunay order nga gitawag gikan sa sulod sa Cebu City Jail.

Ang kontak sa dinakpan mao ra usab ang iyang manghod nga binilango gani atol sa pag dakop mitawag pa kini sa iyang igsuon ug mitugan nga naa kini sa City Jail sa syudad sa Sugbo.

“Dinagko ni iyaha sir kay siya man ang mo supply sa mga player, hagbunganan ra ni siya nya wala daw siya kaila kinsa nang tighatod sa drugs niya," matod ni Caballes, busa giilang 'drug queen.'

Tungod sa mga kasayuran nga ilang nakuha nga gikan sa sulod sa bilangoan ang momando sa paghatag kaniyag supply makig alayon sila sa kadagkoan sa bilangoan alang sa himuong follow up operation.