Kanhi Chief Justice Davide dili modagan pagka-senador: Guv
Dili magpapili pagka-senador sa 2019 elections si kanhi Supreme Court Chief Justice Hilario Davide, Jr.
Kini maoy hugtanong gipadayag sa iyang anak nga si Gob. Hilario Davide III, human usab nigawas ang pangalan sa iyang amahan nga usa sa mga personalidad nga gipili-an sa Liberal Party nga himuong senatorial bet sa umaabot nga midterm elections.
Sayo karong semahana, nipagawas ug 18 ka mga pangalan ang LP, nga maoy ilang gipili-an nga posibleng himuon nga kabahin sa ilang senatorial line-up sa 2019 elections. Lakip niini ang usa ka senador, usa ka kongresista, mga kanhi cabinet secretary, mga singer ug artista ingun man duha ka mga kanhi Supreme Court chief justices, nga mao silang Maria Lourdes Sereno ug Hilario Davide, Jr..
Apan ang anak sa kanhi Chief Justice nga si Cebu Governor Davide miingon nga dili interesado ang iyang amahan sa politika.
Dugang niya, taas na ang katuigan nga naka-serbisyo ang iyang amahan sa gobiyerno isip chief justice ug labing uwahi isip representante sa Permanent Mission sa Pilipinas sa United Nations.
Dugang sa gobernador, edaran na usab ang iyang amahan ug dili na makaayo alang niya kon mosulod pa kini sa politika.
“He has no appetite for politics,” ingon ni Davide.
Gitug-an niini nga siya lang ang pulitiko sa ilang pamilya ug igo lang motabang ang iyang amahan sa pagpangampaniya alang sa iyang kandidatura kon panahon sa eleksiyon.
Hinuon, wa makasiguro ang gobernador kung hingpit ba nga balibaran sa iyang amahan ang paglakip kaniya sa LP senatorial lineup. padayag sa gobernador.