Andales, Arcilla magpapili bisa’g mga last termer na?

Subling magpapili si Konsehal Sisinio Andales sa sunod tuig nga eleksyon bisan paman kon niabot na og siyam ka tuig ang iyang pagserbisyo isip konsehal sa dakbayan sa Sugbo.

Kini human giingong naputol ang iyang termino dihang gisuspenso sila sa Department of Interior and Local Government (DILG) uban nilang kanhi Mayor Michael Rama, Bise Mayor Edgardo labella gumikan sa “abuse of authoity” dihang nihatag sila og tag P20,000 nga calamity assistance niadtong tuig 2013 gumikan sa linog ug bagyong Yolanda.

“I am banking on the decision sa DILG nga nasuspenso mi for six months nga nabutang didto for unexpired term so na-serve namo was onemonth and 20 days kay ni-assume mi after election na,” paghinumdom ni Andales niatong tuig 2016.

Matod ni Andales nga mofile usab sa iyang certificate of candidacy (COC) si Konsehal Alvin Arcilla kinsa sama niya napili niadtong tuig 2010 ilawom sa landong sa Bando Osmeña Pundok Kauswagan (BOPK).

Ilawom sa 1987 Constitution, ang elected public officials gihatagan og labing taas tulo ka termino (way apil ang presidente, bise presidente ug Senador) nga walay pagkapakgang sa ilang panerbisyo sulod sa siyam ka tuig.

“Klaro kaayo to nga ang decision is final, so na serve to namo. It is not a preventive suspension.

Ang Supreme Court nisulti gyud nga kon preventive suspension it is not an interruption of the term pero kong decision with finality that will serve as interruption of your term.” paghubad ni Andales kinsa usa ka abogado sa suspension sa DILG.

Gihulagway sa konsehal nga kumpleto na ang lineup sa BOPK sa north district para sa umaabot nga piniliay apan wa pa siya nibutyag sa ilang slate sa south district lakip na ang mahimong running mate ni Mayor Tomas Osmeña.