MGA TURISTA STRANDED

ang na-stranded nga mga pasahero lakip ang mga turistang langyaw ug lokal nga gikan sa island destinations sa Sugbo nunot sa pagkanselar nga makalawig ang mga sakyanang pagdagat nunot sa pagsud na sa bagyong Ompong sa nasod.

Ang mga awtoridad nakig-alayon na sa Department of Social Welfare and Development (DSWD) ug ang local govenment units (LGU) alang sa hinabang alang sa mga

stranded nga pasahero sa pier samtang kanselado hangtod ugmang adlawa ang biyahe sa barko sa tanang pantalan sa lalawigan sa Sugbo ug Bohol.

“Kinoordinate na din ng Philippine Coast Guard sa DSWD at sa local government unit po ng unit ng area ng

stranded para mabigyan po natin sila ng ayuda,” matod ni Lt. JG Michael John Encina, operations officer sa Philippine Coast Guard (PCG) 7.

Bisan gianunsiyo na sa Philippine Coast Guard (PCG) 7 nga kanselado ang biyahe kagahapon, apan anaa gihapoy na-stranded.

Sa datus sa PCG 7 sukad alas 5:00 sa hapon niadtong Huwebes hangtod kagahapon sa alas 3:00 sa hapon niabot sa 607 ka mga pasahero ang stranded samtang niabot sa 158 rolling

cargoes, 68 vessels, ug 24 ka motorbancas ang wa pabiyahia.

Samtang, kapin sa 100 ka mga langyaw ug local nga mga turista ang stranded sa nagkadaiyang island destinations sa Sugbo samtang di sab momenus sa pito ka mga lungsod ang nisuspenso sa ilang sikat ngatourism activities tungod sa bagyong Ompong.

Moabot sab sa kapin 15 ka mga LGU ang nideklarar og class suspension nunot gihapon sa gilantawan nga epekto sa bagyo.

Sa talaan sa Cebu Provincial Tourism Office (CPTO), anaa sa 75 ka mga langyaw ug 7 ka mga local nga turista ang na-stranded sa isla sa Malapascua ug wa na makasakay pa og pump boat pabalik sa mainland Cebu o sa lungsod sa Daanbantayan.

Sa Camotes island, 10 ka langyaw ug tulo ka local tourists ang natanggong, samtang sa isla sa Sumilon stranded ang moabot sa 27 ka mga langyaw ug unom ka ka lokal nga turista.

May natala sab nga 23 nga natanggong sa lungsod sa Dumanjug. Sigun sa Environmental and Compliance and Monitoring Coordinator sa CPTO nga si Arien Monterona nga gi-monitor na ang identity sa mga turista, ilabi na sa mga langyaw nga na-stranded aron usab ma-account sila ug mapahibawo ang ilang mga embahada sa ilang kahimtang.

Hinuon sagad kanila, nibalik ra sa ilang tagsa-tagsa ka hotel ug resort ug anaa ra sila sa luwas nga kahimtang.

Matod ni Encina nga adunay 14 usab ka mga barko ang ilang gi-shelter subay na usab sa hangyo sa mga tag-iya niini.

Nasayran nga kasagaran sa mga stranded anaa sa Sugbo, sa pantalan sa Bato sa lungsod sa Santander.

“Wala na po’ng biyahe na, until Sunday na po ng 5am. Yung iba pong passenger is wala po’ng matutuloyan dito sa Cebu. More of the passenger natin came from other provinces

po,” matod ni Encina. /