May persons of interest na ang CCPO sa CPDRC ambush

Aduna nay persons of interest karon ang kapulisan sa siyudad sa Sugbo sa posibling mibanhig patay sa duha ka prison guard ug inmate sa Cebu Provincial Detention and Rehabilitation Center (CPDRC) apan wa lang una kini ibutyag sa Cebu City Police Office.

Drugas ang usa sa mga anggulo nga gisubay nila karon apan matod ni P/SSupt. Royina Garma nga makigtagbo pa siya sa Provincial Intelligence Branch alang sa himuon nga background investigation sa mga biktima tungod kay sila ang adunay impormasyon labot sa kalihukan niini.

Giingong si Jeffreyfer Perigrino ang gipasanginlan ni Alvaro Alvaro alyas Barok nga maoy motug-an kanunay sa kapulisan nga kini ang nagpakatap sa ilegal nga drugas sud sa bilanggoan nga maoy hinungdan nga nagka-initay ang duha ka grupo.

Posibli usab matod ni Garma nga adunay mensahe nga gipaabot ang grupo sa mga durugista sa sud sa bilanggoan nga ang kamatayon sa tulo magsilbing leksyon nga di motug-an sa ilang ilegal nga kalihukan.

Apan daghan ang mamahimong hinungdan nga mao karon ang ilang himoan sa lawom nga imbestigasyon human usab milutaw ang pangalan nilang PG1 Joel Teves ug PG1 Bernie Bayotas nga maoy nagpalusot sa ilegal nga drugas.

“It can be a message coming from the other group siguro their group saying na oh wag kayong magsalita do not cooperate with the police and now they will just give a negative comment na oh see? Kung magsalita ka o mag cooperate sa gobierno we can kill you pwedeng ganun nang mensahe,” matod ni Garma.