Mystica nagsugod na sa “Ang Probinsiyano”
Manila – Finally gidungog na ni Coco Martin ang panawagan ni Mystica nga makauban siya sa longest-running teleserye nga “FPJ’s Ang Probinsyano”.
Kaniadtong Miyerkules nag-taping na si Mystica sa Baseco Compund sa Tondo ug nanay ni Rhed Bustamante ang iyang role diin iya kini nga kanunay nga imaltrato.
Asawa sab si Mystica sa usa ka drug lord sa maong serye.
Doble ang suwerte niabot karon kang Mystica tungod kay regular performer siya karon sa Comikera Foodpark sa Binan, Laguna nga gipanag-iya ni Nancy Barretto.
Dili lang basta performer, kasosyo na karon ni Nancy si Mystica.
Siguro, mangutana mo kon nganong naingon niini. Di ba naninda lang si Mystica og friend chicken sa Gen. Trias, Cavite.
Actually, si Mystica adunay mga property pero ang property, kung di mo yan mabaligya, dili na makahatag kanimo og sapi.
Sapi ang wala si Mystica tungod kay nawad-an siya og raket sa dihang iyang gi-bash si Duterte pero pinaagi sa iyang Facebook Live, pabalik-balik nga nangayo og pasaylo si Mystica and now, good karma na siya.
Nabaligya ang usa ka property ni Mystica sa US so mao kini ang iyang gisosyo kang Nancy Barretto nga mao sad ang iyang bag-ong manager.
Na-apil sad ang bana ni Mystica sa iyang suwerte karon tungod kay kauban sad si Kid Lopez sa “Ang Probinsyano” karon. O di ba bongga?
Si Mystica ug ang iyang banang si Kid Lopez walay bisyo dili sila motabako og dili sad sila moinom.
Nagkataon nga 90% sa hardearned money ni Mystica iyang gi-invest sa Kenya ug didto, ekta-ektarya ang yuta nga gitamnan og mga kahoy pero dugay kaayo ang return of investment knowing kahoy nga padakoon pa siya ug paguwangon pa para mamahimong lumber nga himuong papel.
Daghang plano si Nancy kang Mystica, gusot niyang i-produce siya og concert, mag-record og bag-ong kanta uyg mag-bida sa usa ka indie movie.
Unta, hatagan og dakong bili ni Mystica ang chance nga gihatag kaniya ni Coco ug dapat matuto na siya sa buhay.
This time, kinahanglang makahibaw na siya kon kinsa ang mga tawong tabangan ilabi na ang iyang mga relatives nga sa dihang down siya, wa siya lingi-a.
Welcome back, Mystica!