Di madayon

Dear Noy Kulas,

Just call me Athens, 19 years old, nag part time og work kay nag self support ko sa akong studies kay di kaya sa akong parents ang pagpaeskwela namong tanan. Sa akong co-workers pinangga kaayo ko nila kay akong ang youngest ug pareho mig mga kaagi, nagdako sa hirap ug nakalampos tungod sa sacrifices.

Ang akong us aka supervisor ang akong na close og maayo. Wa untay problema, Noy, kay ulitawo pero kaslunon sila sa iyang uyab early next year. Nanguyab siya nako ug akong gisugot kay I also have the same feeling for him. Pero bisan love kaayo nako siya, wa nako ihatag ang akong pagkababaye niya.

Nisamot kuno ang iyang love ug admiration diri nako. Iya kunong buwagan ang iyang GF ug di na idayon ang kasal kay ako ang mas love niya. Tinuod nakigbuwag siya sa babaye ug iyang gisultihan sa tanan. Nakig-meet nako ang girl ug nihangyo nga buwagan ang akong uyab kay kon di, maghikog siya.

Mao ni ang akong patambagan unta nimo karon, Noy. Maayo kaha nga akong buwagan ang akong boyfriend? Nakonsensya ko sa akong gibuhat kay nahimo kong wrecker sa relationship. Please tambagi ko, Noy, unsa ang akong buhaton.

ATHENS

Athens,

Bitaw, mas maayo gyud unta to nga wa na lang unta nimo siya sugta taliwa sa iyang status nga kaslunon na. Di maayo nga nisulod ka sa ilang kinabuhi bisan kon wa pa sila makasal. Di gani maayo nga manghilabot sa relasyon sa manag-uyab. Mao jud na ang sakto nga buhaton.

Pero naa na man na. Bisan unsaon pa og repair, di na mahibalik ang naandan o ang kaniadto nilang relasyon kay mahug ra sab nga mapugos ang imong uyab sa pagpakasal bisan wan a siyay feeling alang sa babaye. Sultihi ang imong uyab sa gisulti sa babaye kanimo aron masayod siya. Kon mahimo, ingna siya nga ang pamilya sa iyang uyab pahibaw-on sa iyang bahad aron ila ning mabantayan.

Ipadayon ang inyong relasyon kay anugon na kaayo ni kon imo na usab nga gubon. Nasugdan na man na, ipadayon ninyo.

NOY KULAS