LeBron moduwa sa pre-season apan...
Sa labing unang higayon isip sakop sa Los Angeles Lakers, mopakita og aksyon si LeBron James batok sa Denver Nuggets sa pre-season sa National Basketball Association (NBA) karong adlawa (RP time) sa San Diego, USA. Mismong si Lakers coach Luke Walton ang mianunsyo niini. Apan pila kaha ka mga minutos nga moduwa ang four-time MVP. Gituohan nga limitado ra ang oras ni James sulod sa korte. Sa sayo pa, gipabuhagay nang daan ni James nga ning putoha sa iyang career, dili na siya magkinahanglan og pre-season aron makaandam sa regular season. Ang Lakers aduna ra’y unom ka mga duwa sa pre-season.