MGA OUANO CORTES, NAGALYANSA
Ang pamilyang Cortes ug Ouano, kinsang mga apelyido sa mga prominenteng ngalan sa politika nga iladong manag-atbang sa mga miaging eleksyon, karon mag-uban alang sa 2019 elections. Kini gipamatud-an human sa
media press conference sa Cortes-Bercede tandem nga ruling
party sa PDP-Laban nga gipangulohan ni Cong. Jonas Cortes.
Si Cortes, kinsa kanhi mayor sa siyudad, subling mudagan pagbalik isip mayor sa dakbayan.
Matod ni Cortes, ilang gitangtang ang ilang kaagi isip manag-atbang sa politika alang sa kalamboan saMandaue.
Dugang niya nga daghan ang nangutana kon nganong naguban ang pamilyang Cortes ug Ouano sa usa ka partido nga manag-atbang man kini sulod sa pipila ka tuig.
“Makita ninyo karon, naa ang dagkong pamilya. Nganong nagkakakuyog man si Jonas ug si Board Member Jonkie? Nganong nagkakuyog man si Lolypop ug si Jonas? Nganong nagkakuyog mi ni Inday Nerry?” matod ni Cortes.
Gibutyag ni Cortes ang pagkuwang sa karon nga administrasyon ni Mayor Luigi Quisumbing kinsa gituohang moatbang kang Cortes sa eleksyon.
“Sulod sa tulo ka tuig, nalimtan ang nindot ug dalaygon nga mga programa sa atong pamunoan karon,” matod ni Cortes.
Gibutyag usab ni Cortes atol sa gipahigayong media press
conference nga dako ang iyang natabang sa dakbayan sa niadtong siya pa ang mayor.
“Mao na akong garbo nga moingon, dako og tabang ang atong perfromance governance system because of our meaningful engagement.Nailhan ang dakbayan sa Mandaue sa mga national ug international organizations,” matod ni Cortes. Iyang kauban ang pamilyang Ouano nga girepresentar ni Lolypop Ouano- Dizon, kinsa kanhing city councilor sa Mandaue ug karon modagan isip 6th district representative.
Matod ni Lolypop Ouano nga dakong kalipay niya nga iyang nakauban ang pamilyang Cortes. “For years, kahibaw ang tanan nga si Cong Jonas and I are in opposite camps pero karong
buntaga pwerte natong lipaya kay nagkauban, nagkuyog ang atong pamiya sa Ouano ug pamilya sa Cortes,” matod ni Lolypop Ouano.
Matod niya, ang maong panag-uban sa iladong manag-atbang nga pamilya sa politika mao ang dakong kausaban sa kalamboan sa syudad. “This is a welcome change, a
united Mandaue,” dason niya. Lakip usab anaa sa partido ang running mate ni Cortes nga si Provincial Board Member Glenn Ouano-Bercede nga modagan pagbalik pagka bise mayor, ug sila si Thadeo Jonkie Ouano ug Glenn Soco nga modagan pagka Board Member sa ika unom nga distrito.
Sa kasaysayan sa politika sa dakbayan sa Mandaue, unang higayon nga mag-uban sa usa ka lineup ang mga prominenteng ngalan sa politika.
Lakip usab sa mga managan sa umaabot eleksiyon, sa pagka city councilors sila si kanhi congresswoman Nerry SoonRuiz, Cynthia Cinco Remedio, Maline Cortes Zafra, Joel Mangubat Seno, Anjong Ouano Icalina, Jimmy Lumapas, Sol Cabahug ug si Jun Arcilla.
Sa Lunes, Oktubre 15 planong mag-file og certificate of candidacy (COC) sa maong partido.
Duha ka mga independenteng kandidato pagka-board
member sa tersero distrito sa Sugbo maoy early birds sa filing sa certificate of candidacy
(COC) kagahapon sa buhatan sa Cebu Provincial Commission on Elections (Comelec).
Sigun sa Comelec, ang mga independenteng kandidato nga sama nila, dili mahimong mahulipan o ma-substitute kay wala man sila’y partido.
Pasado alas 9 kagahapon sa buntag, dungan nga ning-abot sa Cebu Provincial Comelec silang Provincial Board Member Victoria “Tata” CorominasToribio ug Toledo City Councilor Leo Dolino.
Si Dolino usa ka abogado ug last-termer councilor sa dakbayan sa Toledo ug buot magpapili pagka-Provincial
Board member sa 3rd district. Samtang si Toribio subling magpapili pagka-board
member sa susamang distrito. /