MGA ‘TULISAN’ NADAKPAN

GISUSI KON MAO BANG NAMIKTIMA SA MGA CALL CENTER AGENT

SuperBalita Cebu - - FRONT PAGE - ARNOLD Y. BUSTAMANTE / Correspondent

Nailhang manglabnihay ug tulisan nga na-videohan sa dash cam sa usa ka sakyanan sa Barangay Lahug sa syudad sa Sugbo nadakpan na sa kapulisan.

Ang nasikop giila nga si Gil Lapeña Jr., 27, taga sitio Motra, Barangay Tisa, siyudad sa Sugbo.

Gisusi pa kon usa ba siya sa mga ningbiktima sa usa ka call

center agent nga gipusil patay sa may Barangay Mabolo.

Sa dash cam sa usa ka sakyanan, makita ang usa ka lalake nga sakay sa usa ka motorsiklo nga mihunong sa luyo sa usa ka de-pasaherong sakyanan.

Daw sa naniid kini sa mga sakay sa PUJ ug pipila ka segundo ang milabay, niatras kini ug niduol sa luyo sa PUJ ug adunay gikab-ot nga mao na diay kadto ang paglabni sa

cellphone sa usa ka pasahero. Gi-post dayon sa Facebook ang maong video hangtod nga nag-viral, diin daghan sa mga

netizen ang ning-share. Ang Abellana Police Station 2 sa Cebu City Police Office nakadawat og tawag gikan sa usa ka habal-habal driver nga adunay lalake nga sakay og motorsiklo sa may Acacia Street, Barangay Kamputhaw nga adunay dala nga armas niadtong Miyerkules sa pasado alas 4 sa kaadlawon.

Dali nila kining girespondehan ug ila pang naabtan nga daw sa nag-atang sa iyang biktimahunon.

Ila dayon kining gisikop ug nakuhaan sa usa ka armas nga adunay lima ka mga bala ug usa ka pakete sa gituohang shabu.

Positibo siya nga nailhan nga siya kadtong naa sa nag viral nga video lakip na ang motorsiklo nga iyang gigamit nga adunay plate number GE 97155 nga nakuha usab sa mga pulis.

Giingong aduna pay upat nga kauban ang gipangita pa karon sa kapulisan.

Matod ni Chief Inspector Eduardo Sanchez, hepe sa Abellana police station, nga aduna na silay nailhan sa laing upat ka kauban sa suspek sa maong modus.

“Lima ni sila ka buok. Kana pa ang nakuha nato. Notado na gyud ni siya nga kawatan bataa, nya positibo ni siya nga giila kay ang motor nga iyang gigamit nakuha man sad ni nato,” matod ni Sanchez.

Si Sr. Supt. Royina Garma, hepe sa kapulisan sa syudad sa Sugbo, sa iyang bahin, nagkanayon nga kining maong mga suspek bag-ohay lang nakagawas gikan sa bilanggoan.

Samtang nasikop usab ang laing tulisan sa T. Villa St., Barangay T. Padilla sa syudad sa Sugbo sa milabayng buntag human ni manulis sa usa ka 24 anyos nga call center agent. Si Dianne Nulla, call center

agent sa Barangay Mabolo, nagkanayon sa dihang nahinabi sa Superbalita Cebu nga samtang nagbaktas siya padung mouli sa ilang balay, kalit lang naabot ang suspek ug dayog tion sa dala niini nga kutsilyo.

Gimandoan siya nga ihatag ang dala nga bag ug dayong bira apan nisuway pa siyag bira niini samtang padayon nga mihulga si Benjie Diaz, 19, kon di buhian, dunggabon niya kini.

Tungod sa kahadlok nga mapareho niadtong call center

agent nga babaye sa Mabolo nga gipusil sa tulisan sa dihang nisukol, iya kining gibuhian apan nasamad na ang iyang kamot.

Dali nga nisibat si Diaz paingon sa may P. Del Rosario, apan naatol usab nga adunay patrol car sa Parian police station nga nag roving, iya dayon kining gipara ug nangayog panabang. Sa gihimong follow-up operation nadakpan dayon sa mga pulis ang usa sa duha ka suspek nga si Diaz, taga Sto. Niño T. Villa, Barangay T. Padilla samtang pabiling gawasnon si Ar-Ar Jimeno. /

/ ARNOLD Y. BUSTAMANTE

■ MIHILAK PA: Si Gil Lapeña Jr., (naglingkod) 27, taga sitio Motra, Barangay Tisa, siyudad sa Sugbo, mao ang tulisan nga nag-viral sa Facebook human niya gilabni ang bag sa usa ka pasahero sa PUJ. Nadakpan siya sa Abellana Police Station samtang nagestambay sa usa ka mingaw nga karsada sa Barangay Camputhaw. Estorya sa pahina 2.

Newspapers in Tagalog

Newspapers from Philippines

© PressReader. All rights reserved.