Bugo og Math

Dear Papa Joe,

Maayong adlaw nimo ug sa imong mga suki nga tigbasahan sa imong column. Ako diay si Jovanni, 19, taga Cebu City.

Ang akong problema nga patambagan kabahin sa akong amahan nga estrikto kaayo. Usa siya ka licensed engineer ug successful pod siya sa iyang field. Sukad pagkabata, sigihan na ko niyag kasaba kay hina kuno kaayo akong utok tungod kay gagmay kaayog kog average, tag line of 7 ra gyud labina sa Math. Gusto man gud niya nga bright kog Math kay maoy iyang damgo nga mosunod ko sa iyang mga yapak.

Naninguha gyud kog taman pag high school nga modagko akong grado para ma qualified kog kurso nga engineer inig college para malipay si Papa nako. aay time nga laroton nako akong buhok ug tusaktusakon nakog lapis ang akong mga libro ug papel tungod sa ka frustrated na gyud nako kay pwerti na gyud lisora sa Math. Bisag unsaon dili gyud ni ang akong gusto nga kurso. Ang hilig man unta nako kay journalism or kanang mag script writer ug mga estorya sa kinabuhi. Gusto kong mag author og novels.

Unsay akong buhaton, Papa Joe, kay paminaw nako hagbong gyud ko sa akong mga subjects. Unsaon nako pag-estorya si Papa nga di gyud nako kaya ang engineering ug lahi ang akong gusto. Palihug tambagi ko.

JOVANNI Dear Jovanni,

Kasagaran, ang bugtong makasabot sa anak kay ang inahan. Kon ang imong mama masinabtanon then talk to her, pangayo og tabang niya para maoy mopasabot sa imong amahan nga dili gyud nimo field ang pagka dngineer. Makasabot ra nang imong amahan kon makig estorya ka niya og tarong.

Hilig man kaha nimo ang writing, then prove it to him. Pakig estorya niya isip usa ka script writer, isaysay ang imong mga naagian sukad pa pagkabata kon giunsa nimo pagpuga ang imong utok makapasar ka lang. Daghang salamat

PAPA JOE