2 ka lanes sa kilid sa underpass hayan maagian wa pay Disyembre

SuperBalita Cebu - - BALITA -

Maayong balita para sa mga motorista ug commuters nga mag-agian sa N. Bacalso Avenue, labi na sa Barangay Mambaling paingon sa habagatan sa dakbayan ug lalawigan sa Sugbo.

Gipahibawo ni Engr. Roy Dela Cruz sa Department of Public Works and Highways (DPWH) 7 nga 80 porsiyento nang nahuman ang 700 metros nga underpass.

Matod niya nga sa di pa ang Disyembre, posible nga maagian na ang duha ka mga lane sa underpass samtang magpadayon sila og kawot sa tunnel.

Kini gihangop ni Francisco Ouano, operation head sa Cebu City Transportation Office (CCTO), sanglit moluagluag na ang dagan sa mga sakyanan sa N. Bacalso. Matod ni Ouano nga kon maablihan na ang duha ka lanes, ang mga sakyanan nga gikan sa Cebu City proper nga moadto sa south district diretso na makalagbas sa N. Bacalso.

Sa pagkakaron, ang mga motorista kinahanglan pang mosubay sa dalan Sabellano sa di pa makaabot sa ilang destinasyon samtang ang gikan sa Pardo mosubay sa left lane (kilid sa mall) sa di pa sila makalagbas paingon sa overpass.

Newspapers in Tagalog

Newspapers from Philippines

© PressReader. All rights reserved.