Love is a stranger

SuperBalita Cebu - - SUPER BIBO - OLIVER P. FLORES (Ikalima sa pito ka mga gula)

Para nako, usa ka stranger si Gabriel sa akong kinabuhi. Dinhi ko lang siya gikaila sa beach resort sa Lapu-lapu City. Apan bisag sa mubong panahon sa among panagkaila, morag suod na mi sa usag usa. Tingali, nahitabo kini tungod kay parehas mig experience sa among loveife, pulos gipasakitan sa mga binuhat nga among gimahal. “Tana, Jinky!” Mipaundayon ko kang Gabriel nga mibira nako pinaagi sa pagkupot niya sa usa ko kamot. Hapit mi magkadungan og ambak sa swimming pool. Bugnaw ang tubig kay buntag pa man. Wa pa maigo sa silaw sa adlaw ang tubig sa swimming pool. Diyotay pa ang nangaligo. Tingali, nangatulog pa ang kadaghanan nga nag-checkin sa hotel kay sa akong pagtuo nag-night swimming sila.

“You know, Jink, kon wa pa lang ka ron dinhi, maybe naghubog na ko sa bar sa hotel.”

Misandig si Gabriel sa bungbong nga semento sa swimming pool samtang nagsudlay sa basa niyang buhok sa iyang mga tudlo. Mitapad sab kog sandig niya ug gisudlay ko sab sa akong mga tudlo ang basa kong buhok.

“Kay ngano man diay, Gab, nakapawa’a ko sa imong kaguol?”

Ambot ba nga nasulti ko man kini kang Gabriel. Morag wa lang sa akong hunahuna nga nakaingon ko ani ngadto niya. Mipasiplat ko niya. Nagtutok siya nako.

“Seriously, nakapawa’a gyud ka sa akong kaguol, Jinky. Abi nimo, di na unta ko gustong makig-friend og girl tungod sa pagluib ni Belinda nako, pero ambot ba nga nausab man ang pagtan-aw ko ninyong mga babaye tungod nimo? Sounds corny ba, Jink?”

“Korni gyud, Gabriel.” Nagkinataw-anay mi si Gabriel. Milangoy ko. Misunod siya paglangoy nako. Ug sa tunga-tunga sa swimming pool, mihunong ko. Kutob sa akong liog ang tubig. Gidapuwas ko sa tubig sa duha ko ka palad ang akong nawong.

“Kanus-a ka mopauli sa inyo, Jink?”

“Wa pa mahibaw-i, Gab. Anhi ko manukad sa hotel sa pag-adto ko sa eskol ugma. Unya, anhi sab ko mopauli.”

Sunday niadtong adlawa. Hapon kong mi-check-in sa hotel dinhi kagahapon, pagkahuman sa akong klase.

“Parehas diay ta, Jink. Wa pa sab koy klaro kon kanus-a ko mopauli sa among ba’ay sa Labangon.”

Unya, nagkatinan-away mi si Gabriel.

(SUMPAYAN)

Newspapers in Tagalog

Newspapers from Philippines

© PressReader. All rights reserved.