27 moapil sa Cesafi All-Star 3-point shootout

SuperBalita Cebu - - SPORTS -

Moabot ngadto sa 27 ka mga partisipante - 14 sa collegiate division ug 13 sa high school class - ang mosalmot sa three-point shootout sa Cebu Schools Athletic Foundation, Inc. (Cesafi) All-Star Games nga ipahigayon ugmang adlawa sa Cebu Coliseum.

Ang kompetisyon nga maoy usa nga magsilbing lamas sa tinuig nga kalihukan sa Cesafi, sugdan pasado alas dos sa hapon human sa duwa tali sa Team Tallo ug sa Team Desiderio sa high school division.

Sa college division, ang kompirmadong mosalmot mao sila si Josue Segumpan ug Rey Suerte (UV), Shane Menina ug Paul Galinato (UC), Rodelio Cauba ug Karl Marvin Langamin (USPF), Kevin Peter Oleodo ug Clark Con-Ui (CIT), William Polican, Shaq Imperial (SWU), John Saycon, Froilan Mangubat (USC), Jaybie Mantilla ug Ricky Peromingan (USJ-R).

Samtang magtigi usab sa high school division, sila si Joshua Cangoy (Don Bosco), Jansen Tiu (CEC), Koko Tuadles, Leobert Casinillo (SHSAdC), Vincent Bugtai (CIT-U), Jack Roen Thomas Nazario (SWU), Clint Octavio ug Van Joshua Baruc (USC), Justin Mandares (UC), Gabriel Cometa ug Berin Laurente (UV), Christopher Esabelo ug Neon Aliexena Chavez (USPF).

Laing modayan-dayan sa maong kalihukan mao ang slam dunk competition.

Hangtod ning pagsulat wala pay katinuan kon kinsa ang mosalmot sa maong pangsangka.

Newspapers in Tagalog

Newspapers from Philippines

© PressReader. All rights reserved.