7th SunStar Football Cup, ipahigayon sa Nob. 24-25

SuperBalita Cebu - - SPORTS - / ML, JBM

Saktong panagtigi sa mga age group football team ang masaksihan sa dihang ipahigaon karong Nobiyembre 24 ug 25 ang 7th SunStar Football Cup diha sa Cebu City Sports Center.

Langkuban sa 10 ka age group division ug usa ka bagong professional division ang kompetisyon karong tuiga.

Sa age group, ang magkombati mao ang mga magduduwa sa kids nga nagpanuigon og 6, 8, ug 10, boys 12, 14, 16 ug 18 years old ug sa girls nga nagpangidaron og 14, 16, ug 18.

Moabot ngadto sa 42 ka mga coaches ang mitambong sa meeting kagahapon nga gipahigayon sa St. Mark’s Hotel alang sa maong event.

Si coach Mario Ceniza sa Paref-Springdale misugyot nga sundon ang Fifa rules sa maong torneyo.

Ang registration fee mokantidad og P1,500 alang niadtong magparehistro sa Oct. 15-19, P2,000 alang sa Oct. 22 ngadto sa 25, P2,500 alang sa Oct. 29 ngadto 31.

Newspapers in Tagalog

Newspapers from Philippines

© PressReader. All rights reserved.