RAPTORS MITUHAK SA PELICANS

SuperBalita Cebu - - SUPER SPORTS -

Bisan pa man og gipapahuway sa Toronto Raptors ang ilang mga star players nga sila si Kawhi Leonard, Kyle Lowry, Danny Green ug Serge Ibaka, apan ang ilang mga kaubanan mipakita og saktong labok ug gipukan ang New Orleans Pelicans, 134-119, sa ilang katapusang duwa sa preseason games.

Mipaksit sila si Malachi Richardson ug Pascal Siakam og tag 21 puntos aron pangulohan ang Raptors sa kadaugan nga maoy ilang ikaupat nga naangkon sa lima nila ka mga duwa.

Samtang si Anthony Davis mipakatap og 36 puntos alang sa naparot nga Pelicans.

Si Leonard, Green ug Ibaka ang nakaduwa didto sa Montreal niadtong Miyerkules ug gihatagan sila og higayon nga makapahuway.

Ang Utah Jazz mipakuratsa sa Sacramento Kings, 132-93, ubos sa pagpangulo ni Rudy Gobert kinsa may 18 puntos ug pito ka rebounds sa first

half nga maoy nahimo nilang yawe ngadto sa ikalima nga sunodsunod nga daog.

Sayo nga gisugdan sa Jazz ang dominasyon ug ang 22-4 nga rally maoy nag-abli sa ilang dalan ngadto sa sayon ug haruhay nga kadaugan.

Samtang ang LA Clippers way kaluoy nga milampornas sa Maccabi Haifa, 124-76.

/ AP

■ NATAGAK? Maayong pagkadusmo ni New Orleans Pelicans forward Anthony Davis (23) nga sa Eric Moreland (1) sa Toronto Raptors human kini magkabangga ni Chris Boucher (25), forward sa Toronto, atol sa ilang duwa kagahapon sa preseason game sa NBA didto sa New Orlenas. Human ning maong insidente, si Davis ug Boucher gipagawas sa korte.

Newspapers in Tagalog

Newspapers from Philippines

© PressReader. All rights reserved.