Relic ni San Padre Pio dad-on na sa Mindanao

SuperBalita Cebu - - BALITA -

Human sa tulo ka adlaw nga pagbisita sa Sugbo, dad-on na karong buntag sa dakbayan sa Davao ang relic sa kasingkasing ni San Padre Pio.

Karong alas 6 sa buntag, ipahigayon ang misa panamilit sa IC3 Convention Center sa Barangay Mabolo, siyudad sa Sugbo, sa dili pa ibiyahe ang relic paingon sa Mindanao.

Si Cebu Auxiliary Bishop Dennis Villarojo ang mangu sa maong farewell concelebrated mass.

Ang relic sa wa madugta nga kasingkasing ni San Padre Pio unang naabot sa Sugbo niadtong Huwebes sa miaging semana ug diha kini gipahimutang sa Cebu Metropolitan Cathedral.

Niadtong Biyernes, gibalhin kini sa IC3 Convention Center ug nagpabilin hangtod karong buntag.

Si Palo, Leyte Arsobispo John Du mao ang nangulo sa misa panamilit niadtong Biyernes sa pagbalhin sa relic ngadto sa IC3 Convention Center diin nagpundok ang kaparian ug consecrated nga mga tawo nga gikan sa lainlaing mga diyosesis sa Kabisayan alang sa ilang recollection.

Sa iyang wali atol sa farewell mass, si Du nidasig sa mga deboto nga himuong panig-ingnan si San Padre Pio nga nausab human gidawat ang gugma ni Kristo diha sa iyang kasingkasing.

Newspapers in Tagalog

Newspapers from Philippines

© PressReader. All rights reserved.