PRO 7 ANDAM MOATUBANG SA SENADO

Police Regional Office-7 andam moatubang kon ihinayon sa Senado ang inquiry labot sa sunodsunod nga mga patay sa Central Visayas, labina sa Sugbo, diin niabot na sa 19 ang nakalas sa lihitimong police anti drug operations sukad niadtong Hulyo.

Wa mabalaka ang kadagkoan sa PRO-7 kon adunay himuon nga imbestigasyon ang Senado labot sa sunod-sunod nga mga patay sa Sugbo tungod sa gi hingusgan nga gubat batok sa illegal nga drugas.

Matod sa information officer sa PRO 7, Supt. Reyman Tolentin, nga andam sila motubag sa mga pangutana nganong daghan ang nangamatay sa Sugbo panahon nga molusad sa One Time Big Time operation ang kapulisan.

Ang opposition sa Senado nabalaka sa kadaghan sa mga nangamatay nga drug suspects nga ilang gidudahan nga pulis ra usab ang naghimo niini sama sa nahitabo sa Barangay Malubog diin lima ang namatay samtang duha ang nakaluwas.

“Yes of course, it’s our job no kon adunay mangutana, tubagon and yes we are very confident of each and every case, kon adunay ano Senate inquiry maayo nuon na to realy see unsa gyuy tinuod tong pang hitabo” matod ni Tolentin.

Gipasalig ni Tolentin nga ilang ipadayag ang resulta sa imbestigasyon sa PRO 7 lakip na sa Regional Internal Affairs Service (RIAS).

Ilang gihangop kon ihinayon gyud ang maong tinguha sa opposition senators aron maklaro kon unsa ang tinuod nga hitabo atol sa maong operation.

Sa siyam nga nangamatay sa katapusang OTBT sa kapulisan, giangkon sa kapulisan nga nisukol ang maong mga suspek hinungdan nga mibawos lamang sila.

Gihimakak usab sa kapulisan nga sila ang naghimo sa pagpatay sa lima ka mga lalake sa Barangay Malubog nga ilang gituohan nga hinimoan sa sindikato sa ilegal nga negusyo sa drugas. /

/ ALEX BADAYOS ■ PATAY: Usa kini sa unom ka mga tawo nga nangamatay sa One Time Big Time operation sa kapulisan sa dakbayan sa Talisay bag-ohay lang, labina sa Barangay Tangke. Mga lumolupyo namasangil nga gidiretsog patay sa mga pulis ang mao nga mga tawo, apan ang kapulisan niingon nga nanukol kini.Ang oposisyon sa Senado nagtinguha sa pagsusi sa nagsakang gidaghanon sa mga tawo nga nangamatay sa police operations ingon man niadtong gituohang nangalambigit sa illegal drugs.