Ratsada ang career ni Marco Gumabao
Blooming ang career karon ni Marco Gumabao ug ratsada sa mga trabaho kay left and right ang iyang mga proyekto.
Wala sab mausik ang pagpa-seksi ug pagka-daring sa ulitawo nga super hunk na ang dating.
Dili sab nimo ikalimod nga morag nabuhi niya ang iyang amahan nga si Dennis Roldan nga usa sa mga hunk star ug nagpaseksi sab niadtong 80’s.
Dugay na natong nakita ug nanuntan ang Marco Gumabao sa showbiz. Daghan na sab siya og mga programa nga naapilan sa Kapamilya network.
Apan daghan ang nasorpresa sa aktor sa iyang bag-ong image. Kon unsa man ka-init ang gipakita niyang eksena sa swimming pool sa “Abay Babes” nga pelikula, miinit usab karon ang karera sa aktor.
Human sa iyang bench model stint ug sa kamachohan nga nakita nato sa iyang mga litrato nga nak-brief lang, morag mao ni ang nahimo niyang puhunan sa sunod-sunod nga mga offers nga iyang nadawat.
Unahon ta ang “Abay Babes” nga hangtud karon wala ka let go ang mga kabadingan sa iyang eksena dinhi ug gititulohan pa siya nga ang bag-ong bakat king.
May pelikula usab siya, ang “Para sa broken hearted” nga showing pa hangtud karon sa inyong mga paboritong sinehan.
Kauban niya dinhi silang Yassi Pressman, Sam Concepcion, Louise de los Reyes ug ang bag-ong ka-loveteam niya dinhi nga si Shy Carlos.
Sila ang bag-ong gilusad isip Viva’s newest loveteam nga makita sa “Para sa broken hearted”, sa direksyon ni Digo Ricio. May pelikula pa kini sa umaabot nga Metro Manila Film Festival nga “Aurora” nga horror film kauban si Anne Curtis.
Bidang bida usab ang Marco isip usa sa lima ka mga bastardo sa Precious Hearts Romances nga “Los Bastardos”. Sugdan na kini ugma sa Kapamilya gold isip hulip sa natapos nga “Araw-Gabi” nilang JM de Guzman ug Barbie Imperial.
Sa “Los Bastardos” kauban ni Marco Gumabao isip mga anak ni Ronaldo Valdez silang Joshua Colet, Albie Casiño, Diego Loyzaga ug Jake Cuenca.
Makauban usab nila dinhi silang Cristine Reyes, Roxanne Barcelo, Katya Santos, Danita Paner, Ritz Azul, Bianca king, Mara Lopez, Jane Oineza ug Rosanna Roces.
Makita sab dinhi si Alex Medina ug Geoff Eigenman sa papel isip batan-ong Ronaldo Valdez.
Ugma na kini sugdan matag hapon human sa “Kadenang Ginto” ang “Los Bastardos.” ay’g saba!