Fajardo moduwa sa Governor's Cup

SuperBalita Cebu - - SUPER BLOWOUT - / PAC

Mobalik na og duwa si PBA

four time MVP June Mar Fajardo sa season ending sa Governors Cup aron wala nay mahimong babag sa iyang paglangkat sa labing taas nga pasidungog sa usa ka player. Si Fajardo nagkinahanglan lang nga makaduwa kausa sa nahabiling mga duwa sa San Miguel Beermen aron hingpit niyang malabni ang ikalima nga MVP award sa unom ka tuig niyang pagduwa sa PBA.

Base sa PBA rules, ang lumad nga taga Pinamungajan, Cebu, kinahanglan nga makaduwa og 70 porsiyento sa usa ka season aron siya mo-qualify sa MVP race diin siya ang nahimong Best Player sa All Filipino ug Commissioners Cup.

Matod pa ni Fidel Mangonon III, nga kon dili makaduwa si Fajardo sa bisan kausa lang ka duwa sa Governors Cup, kinsa kasamtangan nga adunay angol sa iyang bagtak,

dili niya malangkat ang MVP trophy.

Apan si Fajardo nagkanayon nga ang iyang tuyo mao ang makabalik sa sports nga iyang gihigugma, dili lang ang pagapas sa individual award.

“Sana makalaro ako, hindi lang for the sake na makuha ko yung 70-percent para sa MVP. Gusto ko maglaro nung normal na laro ko,” padayag ni Fajardo human gipukan ang Phoenix niadtong Biyernes.

Sa pagkakaron, si Fajardo padayon sa iyang swimming ug biking apan iyang gihulagway nga lahi ang kondisyon kon makabalik na siya og dagan.

Si Coach Leo Austria, wala magdali nga makabalik na sa

hardcourt ang iyang labing sinaligan sanglit ang iyang gitan-aw mao ang kaugmaon ni Fajardo.

Newspapers in Tagalog

Newspapers from Philippines

© PressReader. All rights reserved.