CEBUANO NGA SEAMAN NAKAIKYAS SA PIRATA

SuperBalita Cebu - - FRONT PAGE -

Usa ka Cebuano nga seaman nga gidagit sa mga pirata sa Nigeria, luwas nga nakauli sa Barangay Pondol, Balamban, Sugbo human makaeskapo gikan sa mga nidagit kaniya.

Si Magdaleno M. Sangre, Jr. gitabangan sa Overseas Workers Welfare Administration (Owwa) aron makauli dayon dinhi sa nasod human siya mangayog panabang.

Si Owwa 7 OIC Regional Director Mae D. Codilla, sa ilang press statement, niingon nga ang ilang buhatan nakadawat og e-mail kang Sangre alang sa dinaliang repatriation.

Ila dayon kining giduso sa Overseas Operations Coordination Service (OOCS) sa Manila ug niduso sab dayon niini sa Department of Foreign Affairs (DFA).

Si Sangre usa sa pito ka mga Pinoy nga seaman nga tripolante sa Swiss-owned MV Clarus nga gipangdagit niadtong Septiyembre 22, 2018.

Gikan sila sa ulohang siyudad sa Lagos padung sa siyudad sa Port Harcourt dihang sila gidagit.

Newspapers in Tagalog

Newspapers from Philippines

© PressReader. All rights reserved.