DIEGO LOYZAGA NISUWAY PAGHIKOG?
Atol niining pagsuwat wa pay opisyal nga pamahayag gikan sa immediate family ni Diego Loyzaga nga giingong suway nga mikutlo sa iyang kinabuhi.
Si Diego anak sa aktres nga si Teresa Loyzaga ug Cesar Montano.
Niadtong Miyerkules, Nobiyembre 7, sa gabii adunay blind item nga gi-post sa TV5 reporter nga si Laila Chikadora sasocial media nga:
“Young actor of showbiz blood commits suicide. Slashes neck and wrists with a swiss knife.He is in a hospital somewhere in QC now; conscious.”
Nahimo sab kining sumsuman sa mga showbiz personality sa katapusang haya sa OPM singer Rico J. Puno.
Hangtod nga mitumaw ang pangalan sa 23 anyos nga actor, Diego maoy gipasabot nga nag-suicide attempt.
Adunay kasaligang tinubdan ang PEP.ph nga mikonpirmar sa maong hitabo nga giingong adunay gikaistorya sa telepono si Loyzaga ug namahayag nga okay lang siya ug kaya pa niya.
Human sa tawag gilaslas sa actor ang iyang liog ug pulso gamit ang Swiss knife ug maayo nalang nga dali nakapanawag og paramedics ang kauban niini sa balay.
Sa dihang gipangayoan og pamahayag ang Star Magic ang talent management arm sa ABSCBN nga maoy nagdumala sa career sa actor, nipadala lang kini og reply pinaagi sa text message nga: “Diego and family are doing fine. And are requesting for privacy. Thank you.” /