Naga mangutang og P500M alang sa mga landslide victim

SuperBalita Cebu - - BALITA - JUSTIN K. VESTIL / SunStar Cebu Reporter

Ang kagamhanan sa dakbayan sa Naga nagplanong manghuwam og P500 million aron makahatag og hinabang sa kapin sa 1,200 ka mga bakwit nga apektado sa landslide sa Barangay Tina-an.

Si kanhi City of Naga Mayor Valdemar Chiong nitug-an nga ang kagamhanan sa siyudad gustong mangutang sa Development Bank of the Philippines (DBP).

Kini magsilbeng “standby fund” engkaso kon ang Department of Environment and Natural Resources (DENR) mopagawas na sa mga resulta sa ikaduhang delineation ug assessment sa mga dapit nga apektado sa landslide sa siyudad.

Samtang ang Apo Land and Quarry Corp. (ALQC) nahimangod sa lakang sa mga environmentalist ug concerned citizens nga nipasaka og P4.5 billion nga environmental damage suit batok kanila ug sa ubang mga buhatan ingon man sa kagamhanan sa siyudad.

Ang kiha nagagumikan sa landslide sa Barangay Tina-an.

Sa usa usa ka interview, si Chiong niingon nga ang iyang anak, si Mayor Kristine Chiong, nakigsabot na sa DBP alang sa posibleng loan.

Si Chiong nipasabot nga ang proposed nga loan gamiton alang sa financial assistance sa apektadong mga residente nga di makabalik sa ilang tagsa ka pinuy-anan.

Ilang ibase ang hukom sa di pagpabalik sa residente sa resulta pagtuon sa DENR.

Matod niya nga ang Siyudad naggahin na og P60 million, lakip na ang mga pundo nga gidonar sa nagkadaiyang mga grupo, aron mahatagan og financial assistance ang 444 ka mga pamilya nga nagpuyo duol sa landslide area sa Sityo Sindulan, Barangay Tina-an.

Ang financial assistance, nga labing minos P150 milyones, ihatag sa matag apektadong pamilya bugti sa di na nila pagbalik sa evacuation centers ug mopuyo sa mga dapit gawas sa danger zone.

Ang standby fund nga giplano sa Siyudad gitumong aron makahatag og financial assistance ngadto sa 1,200 ka mga pamilya nga magpabilin sa evacuatuon centers human ang 444 ka mga pamilya makadawat na, matod ni Chiong.

I-finalize pa kini ug kinahanglan pang uyonan sa City Council sa di pa sila mosulod og loan agreement tali sa DBP.

Samtang, si ALQC corporate communications representative Chito Maniago nipadayag sa kasagmuyo sa kaso batok kanila nga unta ang mga mining official niingon na nga ang hitabo usa ka “natural phenomenon.”

“We find it very unfortunate, however, that personalities behind this action decided to pursue this case despite the clear finding of DENR technical experts that the landslide is a natural phenomenon and not caused by quarry or mining operations of APO Land & Quarry Corporation. The experts who conducted the investigation have concluded that the incident was unique and may happen in other areas and even without quarry operations,” matod ni Maniago. /

/ ALEX BADAYOS

■ CHRISTMAS TREE: Mga bata gikan sa Kyth Foundation, usa ka charity alang sa mga batang may cancer, misaksi sa seremonyas sa pagpasiga sa taas ug dako nga Christmas tree sa SM City Northwing sa Huwebes, Nobiyembre 8. Ang giant Christmas tree usa sa mga atraksyon sa mall ning panahon sa Pasko.

Newspapers in Tagalog

Newspapers from Philippines

© PressReader. All rights reserved.