Dunay persons of interest sa killer sa drayber

SuperBalita Cebu - - BALITA -

Kapulisan sa siyudad sa Sugbo aduna nay persons of interest sa nahitabong pagtulis ug pagpatay sa drayber sa Ken taxi sa miaging kaadlawon Nobiyembre 7 sa Barangay Tisa.

Gituohan nga ang duha ka lalake ang responsabli sa krimen apan giingong dili taga Tisa.

Si Sr. Supt. Royina Garma, hepe sa Cebu City Police Office (CCPO), niingon nga gipatutokan na sa iyang mga imbestigador ang maong mga personalities apan nag matngon sila basin dili mao ang tinuod nga naghimo sa krimen.

Giklaro hinuon niya nga dili pa sila maka tumbok kung tulis ba gyud ang motibo human makakuhag kwarta ang mga imbestigador sa sulod sa bag sa biktima nga gituohan nga iyang kinitaan.

“Maraming posibling angulo, ang biktima lang at ang suspek ang nakakaalam sa ngayon so naka tutok tayo sa sinusundan nating mga persons of interest,” matod ni Garma.

Kung ugaling makakuhag video ang Punta Princesa police station sa dash camera sa taxi unit nga gi maneho ni Victorio Molina, dako kinig ikatabang sa imbestigasyon.

Niawhag usab siya sa publiko nga nakabantay sa pag sakay sa duha ka pasahero sa biktima mahimong moabag sila sa kapulisan aron masulbad ang maong kaso.

Newspapers in Tagalog

Newspapers from Philippines

© PressReader. All rights reserved.