Ang perfect nga utanon
Carbs
Ang carrots kasagaran tubig lang ug carbohydrates. Maayong tinubdan sa fiber. Ubos kini og glycemic index nga usa ka pagsukod kon unsa ka paspas sa usa ka pagkaon sa pagpasaka sa blood sugar.
Ang pagkaon nga ubos og glycemic index gilambigit sa daghang kaayuhan sa panglawas, labina sa diabetic.
Fiber
Ang pectin maoy labing dakong soluble fiber sa carrots.
Ang soluble fibers makapaubos sa blood sugar level pinaagi sa pagpahinay sa pagkahilis sa sugar ug starch. Motabang kini sa bacteria sa tiyan, nga mopabaskug sa lawas ug mopaminos sa risgo sa sakit.
Vitamins ug minerals
Ang carrots maayong tinubdan sa daghang vitamins ug minerals, labina sa vitamin A (gikan sa beta-carotene), biotin, vitamin K (phylloquinone), potassium ug vitamin B6. Vitamin A: ang carrots daghan og beta-carotene, nga himuong vitamin A sa lawas. Maayo kini sa mga mata ug importante sa pagtubo, pagpalambo ug immune system. Biotin: usa sa mga B-vitamins. Dako nig papel sa paghilis sa tambok ug protina. Vitamin K1: importante alang sa pagmintinar sa kalapot sa dugo ug maayo sa kabukogan. Potassium: maayo alang sa pagkontrolar sa blood pressure. Vitamin B6: maayo sa conversion sa pagkaon ngadto sa kusog. Carotenoids: gamhanang antioxidant ug maayo sa immune system. Maayo kini alang sa pagpanalipod sa cardiovascular nga sakit ug ubang degenerative nga mga sakit ug pipila ka matang sa cancer.
Lutein: usa sa mga naandan nga antioxidants sa carrots ug importante sa mga mata. Lycopene: Bright red antioxidant nga mapalgan sa puwa nga mga prutas ug utanon. Mopaminos kini sa risgo sa cancer ug cardiovascular nga sakit.