Silot kung way klarong suporta

SuperBalita Cebu - - EDITORYAL - Jaybee Binghay

Bisag unsa pa ka bongga, ug ka mahal sa kasal, dunay gihapoy di makalahutay sa kinabuhing minyo ug magkabuwag. Kung butangan na gali og peryod ilang panag-ipon ug relasyon, kasagarang grabing ma- apektuhan ang mga bata kay segurado nga usa na lang sa ginikanan ang mahabiling magmatutuo.

Tinuod, sayon ra ihimo og bata apan ang pagmatuto ug padako sarang lisura kay di lalim ang gasto sa pagpadako labi na kung nag-inusara. Kwentahon apil ang pang adlaw-adlaw nga gastuhan, pag-pa-eskwela, bayad sa ospital o palit tambal kung magkasakit.

Duna nay balaod nga nagtabang sa mga Solo Parents o ginikanan nga nag-inusarang nagpadako para maka pangayo og pinansiyal nga suporta sa ilang kapares. Ang responsibilidad sa ginikanan nakalatad sa Republic Act 193 ngadto na sa 222.

Ang Family Code nag-ingon nga ang bata (legal o anak sa pina-angkan) dunay katungod nga makadawat og sustento o suporta hangtod magpangidaron og 19 anyos. Di kini igbali kung ang ginikanan kasado ba o dili.

Angay hinumduman nga ang mga bata way sala ug way apil sa panagbangi o panagbuwag sa mga ginikanan kay wa man kini nanghan yo o nagbuot nga ipakatawo .

Ingkaso yud og molayas o magpalayo unya di magbilin og address, mahimong maka pangayo og tabang para maka menus gastos didto sa mga abogado sa Department of Justice (DOJ), Public Attorney’s Office (PAO) o kaha sa Department of Social Welfare and Development (DSWD).

Human kini maduso sa korte, dunay i-isyo nga Protection Order para sa mga batang hingtungdan. Kasagaran kini sila magpabilin sa kustudiya sa inahan samtang nagdagan pa ang kaso.

Kini ang mga dokumento nga angay andamon para isuporta sa pag file: Birth Certificate sa mga bata ug Marriage Certificate sa ginikanan (kung minyo) nga gikan sa Philippine Statistics Authority (PSA).

Kining bag-ong House Bill dunay silot kung di matuman ang paghatag og suporta kung molabaw sa P30 mil ka pesos o ba kaha molapas sa 6 ka buwan nga way hatag og sustento.

Newspapers in Tagalog

Newspapers from Philippines

© PressReader. All rights reserved.