Pasahero

SuperBalita Cebu - - GITIKA KO! -

MARJO PADILLA Brgy. Duljo-Fatima, Cebu City

Sa pagpara nato og dyip nagkadaiya lang ang

pasaherong manakay.

Apan wa gyuy misibog dihang may usa ka senior

citizen misakay

Daw mipilit ang sampot sa lingkuranan. Ang edaran

galisod na lang.

Naa pa gyuy uban magtakilid maglingkod morag

ilaha ang sakyanan.

Naa pay taas nga buhok sa imong tupad nga kon

hapakon sa hangin

Mokapakapa ug modapuwas sa imong nawong nga

labihang hasula.

Usahay usab halos dili ka makalingkod, manghawoy

ang imong paa

Apan tungod kay nagdali antuson na lang basta

makaabot sa adtoan.

Ang konduktor magpasakay lang gihapon bisag

husto na sa pasahero

Mangiyawat lagi nga dako’g makita ang drayber nga

utro pong galisod

Dili na lang magsapayang madisgrasya kay

naghinubra sa pasahero.

Busa maayo untag mapanton ni sila sa ilang paglapas

sa balaod.

Naa usay uban nga mamukong ug mangabyon lang

kay walay ikaplete.

Ang uban mangutana pa sa padulngan bisag klaro na

sa Ayala ang biyahe.

Naa poy ubang pasahero nga magsigeg tan-aw sa

mga nanggamit og selpon Makahunahuna na hinuon tag dautan nga basig kita

labnihan o tulison.

Newspapers in Tagalog

Newspapers from Philippines

© PressReader. All rights reserved.