Mga dalan

SuperBalita Cebu - - GITIKA KO! - JOHN TAM. YBANEZ Gun-ob, Lapu-Lapu City, Cebu

Nagkadaiya lang ang mga dalan: may hiwi, may tul-id,

May hamugaway, may hagipot, may hapsay, may libaungon,

May batuon, may lapukon, may aspaltado, may sementado.

Ang tawo may lainlain usab nga dalan gisubay sa kinabuhi:

May liko-liko, may hiwi ug

may tanos; Kana ang badlis nga dili matuis ning nawong sa kalibutan.

Dili ang Diyos maoy nagpili

sa agianan sa tawo. Ang tawo mismo maoy mopili sa iyang pagalaktan

Busa dili Siya mabasol asa

ang atong padulngan.

Nagkadaiyang mga dalan milagbas didto ug dinhi.

Apan usa ray angay nga pagasubayon sa tawo, Kadtong tul-id, tanos, hamugaway ug hapsay.

Newspapers in Tagalog

Newspapers from Philippines

© PressReader. All rights reserved.