Kombati sa Mingla karon na

SuperBalita Cebu - - SPORTS - / ESL

Gilaumang magpunsisok ang mga mahiligon og boksing sa panagharong sa duha ka kanhi world title challengers karong gabii sa main event sa Idol 4 Boxing Series sa Minglanilla Sports Complex sa Minglanilla, Cebu.

Gipangtumbok mao sila si ALA fighter Melvin Jerusalem (13-2,8KO’s) ug Toto Landero (10-3-2,2KO’s).

Si Jerusalem napakyas sa iyang pagsuway og ilog sa korona ni World Boxing Council (WBC) minimumweight champion Chayaphon Moonsri sa Thailand sa miaging tuig.

Samtang si Landero kaduha napakyas sa iyang pagsuway’g angkon og world title batok nila ni World Boxing Association (WBA) world minimumweight champ Thamanoon Niyomtrong sa Thailand ug International Boxing Organization (IBO) world titleholder Simphiwe Khonco sa South Africa.

Gikaintapang mga panagharong sa undercard mao ang mga tahas sa ALA prospects nga sila si Esneth Domingo (10-0,6KO’s) ug Christian Bacolod (9-0,7KO’s) batok sa lainlaing kontra.

Si Domingo makigbatok Reymark Taday samtang si Bacolod makigbatok kang Christoval Furog. Magsumbagay sab sila si Joyjoy Formentera batok Crison Omayao, Danny Villafuerte batok Mark Jun Bato ug Jemuel Azucenas batok Kervent Aresco.

Newspapers in Tagalog

Newspapers from Philippines

© PressReader. All rights reserved.