IMELDA MARCOS IPADAKOP

SuperBalita Cebu - - BALOR SA KUWARTA -

Nimando ang anti-graft

court kagahapon, Nobiyembre 9, sa pagsikop ni Ilocos Norte congresswoman Imelda Marcos human kini nahukman nga sad-an sa pito-ka-ihap nga kasong graft.

Kabahin kini sa iyang pagtukod og private foundations sa Switzerland samang siya nagkupot sa nagkalainlaing posisyon sa kagamhanan kaniadto.

Ang Sandiganbayan Fifth Division nagkanayoan nga si Marcos makahimo sa pagbutang og bond alang sa iyang temporaryong kagawasan ug pwede mohagit sa hukom sa korte.

Si Marcos nahukman nga mabilango og unom ka tuig ug usa ka huwan ngadto sa 11 ka tuig sa matag ihap sa graft.

Ni-disqualify usab kaniya ang korte sa paglingkod sa bisan usa nga posisyon sa publiko.

Ang 89-anyos kanhi first lady, kinsa naa sa ikatulong termino isip Ilocos Norte representative, sa sayo pa, niduso sa iyang certificate of candidacy alang sa gubernatorial race sa Ilocos Norte.

Ang Sandiganbayan, sa iyang hukom, nibali-walay-sala kang Marcos gikan sa tulo ka ihap sa kasong graft bahin sa iyang paggamit sa iyang posisyon sa Cabinet sa pagmintinar sa Swiss bank accounts atol sa rehimen sa iyang bana nga si kanhi Presidente Ferdinand Marcos.

Ang kaso batok kang Marcos, gipasaka sa Office of the Ombudsman niadtong Disyembre 1991, nagsumikad sa mga alegasyon nga ang kanhi unang ginang dunay financial

interests sa private foundations sa Switzerland nga iyang gitukod samtang naghupot og posisyon sa kagamhanan.

Siya maoy kanhi minister of human settlements gikan sa 1968 ngadto sa 1976 ug governor sa Metro Manila gikan sa 1978 ngadto sa 1984.

Usa ka abogado ni Marcos gikatakda nga mopasaka og motion for reconsideration sa hukom sa Sandiganbayan.

Sa usa ka pamahayag, si Marcos niingon nga nakadawat na siya sa maong hukom apan ang iyang abogado naa pa sa ospital.

“Unfortunately, my Attorney of Record, Atty. Robert Sison, has been indisposed and is presently confined at the Asian Hospital,” tipik sa pamahayag ni Marcos. / SunStar Philippines

Newspapers in Tagalog

Newspapers from Philippines

© PressReader. All rights reserved.