P1.4B nang natunol sa DSWD

SuperBalita Cebu - - BALITA -

Niabot na sa P1.4 bilyones ang napang-apud-apod sa Department of Social Welfare and Development (DSWD) 7 karong tuiga alang sa programa niini nga unconditional cash transfer (UCT).

Sa kinatibuk-an, P1,418,779,200 ang natunol sa DSWD.

Kini gilangkuban sa 284,310 Pantawid Pamilya partner-beneficiaries; 124,849 social pension beneficiaries ug 181,999 Listahanan-identified poor beneficiaries.

Ang 591,158 ka mga UCT beneficiaries nagsugod pagdawat sa ilang cash grant niadtong Marso ning tuiga.

Apan aduna pa’y 87,067 ka mga beneficiaries ang wa pa makakuha sa ilang UCT cash grants.

Usa sa rason nga gihatag sa DSWD 7 nga wa ang benepisyaryo dihang nanghatag na sa maong grant ug aduna usa’y bed-ridden na nga mga senior citizen nga wa makabisita sa off-site payment.

Sugdan sa DSWD 7 sa pagpang-apud-apod sa nahabiling wa pa makadawat karong Nobiyembre 15 sa nagkadaiyang lungsod ug dakbayan.

Mag-hire usab ang DSWD og notifiers nga mobisita ug mo-coordinate sa local government units (LGUs) alang sa pagpatuman sa payout.

Newspapers in Tagalog

Newspapers from Philippines

© PressReader. All rights reserved.