Pag-usab sa ngan sa MCIA pasidungog: Radaza
Nakapangutana si Lapu-Lapu City Mayor Paz Radaza kon nganong’ grabe nakababag si Secretary Adelino Sitoy, presidential adviser on legislative affairs ug pangu sa Presidential Legislative Liaison Office, sa balaudnon nga mag-usab sa ngalan sa Mactan Cebu International Airport ngadto na sa Lapu-Lapu Cebu International Airport.
Gihulagway ni Sitoy nga dinawo ang maong lakang ug nga paagi kini aron mawani ang lungsod sa Cordova nga nahimutang sunod sa dakbayan sa Lapu-Lapu.
Gani nibahad siya nga motindog sa Senado kon mapasar sa kongreso ang balaudnon aron sa pag-awhag sa mga senador nga ibasura ang pagamendar sa balaudnon. Nagplano usab siya nga mohangyo kang Presidente Rodrigo Duterte nga mo-veto niini.
Gipasabot ni Radaza nga usa sa rason sa paghingan na sa international airport sa Sugbo, alang na usab sa umaabot nga ika-500 ka tuig nga pagsaulog sa kadaugan sa unang bayani sa nasud nga si Datu Lapu apu ug wa kini gisunod sa ngalan sa ilang syudad nga Lapu-lapu City.
“The naming of the airport, it started nga gi-name sa Presidente (Rodrigo Duterte) nga national holiday (niadtong April 27, 2018), coz he wanted to honor Datu Lapu-lapu of his bravery nga iyang gihimo sa Philippines. Ang ato sad diri, ni-come in ang renaming of the airport, gi-connect nato nga, Yes, why not hatagan nato og honor si Datu Lapu-lapu, putting the name of Lapu-lapu dire sa atong airport, just like didto kang John F. Kennedy. We are not saying nga Lapu-lapu as a City, but in behalf ni Datu Lapu-lapu ang renaming.. na- tumong lang nga pareha ta’g name,” pagpaklaro ni Radaza.
Ang House committee on transportation sa Kongreso nipasar na sa bill nga sponsored sa tanan nga Cebuano congressmen pag-usab sa ngan sa Mactan-Cebu International Airport ngadto sa Lapu-Lapu Cebu International Airport.
Iamendar niini ang Republic Act 6958, ang pagkamugna sa Mactan-Cebu International Airport Authority, nga gipangamahanan ni Cebu City North district representative Raul Del Mar niadtong 1991.
Ang mga ni-sponsor sa pagamendar sa balaudnon sila sila Del Mar, Cong. Aileen Radaza (Lapu-Lapu City), Rodrigo Abellanosa (Cebu City, south district), Gerard Anthony Gullas Jr. (1st district), Wilfredo Caminero (2nd district), Gwendolyn Garcia (3rd district), Benhur Salimbangon (4th district), Red Durano (5th district), Jonas Cortes (6th district) ug Peter Calderon (7th district).
Daan na gitug-an ni del Mar nga kinahangalan mapasar nila og dali ang maong balaudnon kundi ang National Historical Commission ang mohingan na niini ngadto sa Lapu-Lapu International Airport, nga wa ang “Cebu”.
“The renaming it doesn’t mean nga nawani ang mga ka-islahan o ang uban nga lugar, still like moingon ka, kay ineg-abot bitaw nimu dinhi ang mga bisita, ang mga airline ticket nila ang nakabutang ana Cebu man. It is still there, ang name lang sa airport nga gi-identify lang para kang Datu Lapu-lapu,” matod ni Radaza
“Wa na ingon nga giwad-an nato og dungog ang si kinsa, ato lang gi-honor si Datu Lapu Lapu”, dugang ni Radaza.