USBAW sa PLETIHAN GIUYONAN
Katapusang nagpaumento sa plete ang bus ug mini bus niadto pang 2008 diin kon maaprobahan sa LTFRB 7, ang P6 nga minimu fare, mahimo na kining P10 samtang tag P1.50 matag kilometro.
Para sa akoa, okay ra kaayo og patas-an ang pletehan basta lang makalingkod og tarong kaming mga pasahero ug dili mi idasokdasok nga murag sardinas, apan kon sama ra gihapon ang inyong serbisyo, supak ko. - Ryan Betache
Unsa pamay angay uyonan ani nga sa pagkatinuod lang ang mga bus ug mini bus bisan di pa patas-an mangayo naman sila og fix nga plete bisan pa og duol ra ang naogan. Bisan di gusto wa man tay mahimo og aprobahan busa kita maningkamot nalang og dinoble aron maka-afford sa nagkataas nga presyo. - Jonel De Asis Largo
Mangayo mo og usbaw sa pletihan nga dili man gani mo motuman kon unsay naa sa taripa. Grabe man gani mo mangigo sa plete sa mga pasahero labi na sa adlawng Biyernes, Sabado ug Dominggo .Dapat kanang mga mini bus operators ilang seminaron ang drayber ug konduktor. - Randy O Mancao
Dili ko mosupak kong patas-an ang plete basta makalingkod ta og tarong. Dili ang bisag wala nay kalingkuran hala sige gihapon panawag og pasahero. Kon moubos na ang presyo sa gasolina, ibalik usab paubos ang plete ug di mopondo vice versa. - Brenda Navarro S Doraisamy
Ako way supak basta mohatag na sila og ticket. Kana tanan mga mini bus nga nagbyahe sa south. Ang mga konduktor nila mga arogante kaayo. Ambot og naa bay tarong ana nila. Ang Sabado mahal ang plite kay anha daw sila makabawi. Lahi og plete ang Monday to Friday. Maayo unta maaksyonan sa LTO o LTFRB. - Cris Fernandez Catubig
Walay mobabag sa pagtubo sa pletihan basta isiguro lang nila ang safety sa pasahero ug siyempre kon hamugaway ba ang pasahero nga mosakay kay kasagaran sa mini bus huot na kaayo ang pasahero dapat unta limitahan nila ang mag barug - Jed Girasol
Dili uyon kay mga abusado kaayo, abi kay holiday or weekend kay grabe ang presyo nila. Ang usual nga tag P20 mahimong P60 daw kay lage holiday or weekend. Tarungon sa na nila ilang pagka abusado sa dili pa mohukom sa umento sa pletihan. - John Sabela
Uyon ko ani kay di naman na sakit nga hunahunaon nga gipatas-an nila kay nagkamahal na ang palaliton ug nagkamahal na sad ang produktong petrolyo. Ang mga driver sad dapat di magpataka og padagan na halos molupad nalang ang sakyanan. - Juncel Gomez