Toni ug Alex sa ‘Mary, Marry Me’

Nasundan na nato ang career sa magsuong Toni Gonzaga ug Alexa Gonzaga, sukad sa pagsugod nila sa showbiz hangtud karon nga naabot nila ang stardom.

Si Alex Gonzaga nagbuhat usab og career sa iyang kaugalingon. Nagka-concert, nakasuwat og libro, daghang proyekto, nahimong endorser, host ug aktres.

Pareho sa iyang maguwang nga si Toni, may napamatudan na usab si Alex Gonzaga.

Karon sa unang higayon, mag-uban sa usa ka proyekto si Toni ug Alex. Dugay na nga may plano ang bana ni Toni nga si Paul Soriano nga ma-direk ang magsuon sa usa ka pelikula.

Pero sa ilang movie karon, ang first time director nga si RC Delos Reyes, nga producer sa “Siargao” ang nagdumala niini.

Ang “Mary, Marry Me” hatud kanato sa TEN17P nga gidumala ni Paul Soriano. Matod ni Paul nga wala siya modirek sa maong pelikula para malikayan ang conflict.

Ug kon malipayon ang mag-sisters nga Toni ug Alex mas malipayon ug excited ang Sam Milby nga maoy leading man dinhi sa duha.

Reunion movie sab kini ni Toni ug Sam human sa siyam ka tuig. Kon naka-remember mo naguban ang duha sa “My Big Love” ug “Ang Tanging Pamilya”.

Sa “Mary, Marry Me” ilogan sa magsuong Toni ug Alex si Sam. Kon kinsay makapanag-iya niini sa katapusan may atong masaksihan sa Disyembre.

Korek, karong Pasko kay sa unang higayon may entry ang Toni Gonzaga sa 2018 Metro Manila Film Festival. Makigtigi ang ilang movie sa mga pelikula nilang Coco Martin, Anne Curtis ug Vice Ganda.

Ang pelikulang “Mary, Marry Me” usa ka light romance comedy movie, ay’g saba!