Ex-CAAA players magsangka sa 2018 CBAA

SuperBalita Cebu - - SUPER SPORTS -

Sa makausa pa, mga kanhi basketball players sa prestisyuso ug makasaysayon nga Cebu Amateur Athletic Association (CAAA) basketball event ang mopakita og aksyon sa dihang sugdan na karong adlawa ang CAAA Basketball Alumni Association (CBAA) Flashback Season 2 sa USC gym, Sanciangko St., dakbayan sa Sugbo.

Walo ka school teams ang magtigi sa 40-47 years old category samtang pito ang magsangka sa 48 years and above division nga pinangulohan sa University of the Visayas (UV) Green Lancers nga maoy defending champions sa duha ka divisions.

Sa 40-47 class, gipaabot nga makasugat og saktong kombati ang UV batok sa teams nga gipaabot moparada og mga kanhi PBA players.

Ang University of Cebu (UC) Webmasters ning higayona moparada ni Dondon Hontiveros, ang USJ-R Jaguars posibli usab mopaduwa ni Roger Yap ug ang Salazar Institute of Technologhy (SIT) Skyblazers nga bidahan ni Jimwell Torion.

Mga beterano ug mga kanhi commercial players usab ang gipaabot nga mo-reinforce sa University of San Carlos (USC) Warriors, Cebu Technical School (CTS) Scanners, Southwestern University (SWU) Cobras ug University of Southern Philippines (USP) Panthers.

Samtang sa 48-above category, ang UV, sama sa gihapon mosanding sa ilang mga expros nga sila si Montoy Singson, Al Solis ug gentle giant Bonel Balingit.

Moduwa usab sa Cebu Institute of Technology (CIT) Wildcats ang nailang triggerman sa Sugbo nga si Felix Duhig Jr., ex-PBA player Roehl Gomez sa UC/CCC Marines, Pablo Yu, ug Rey Abarquez sa USJ-R, kanhi sakop sa San Miguel sa PBA, Bong Abad sa SWU.

Andam usab mosakbang sa maong division ang SIT ug ang USP.

Gipasiugdahan sa mga CBAA officials nga ubos sa liderato ni Innocentes Montalbo Jr., ang kompetisyon gipaluyohan sa Cokaliong Shipping Lines ug sa Family Appliance Center samtang ang beteranong si Bobby Inoferio maoy magsilbing komisyoner.

Tulo ka mga duwa ang nakahan-ay karong adlawa nga ipaagi sa bunotay.

Newspapers in Tagalog

Newspapers from Philippines

© PressReader. All rights reserved.