BOLTS, ACES MAGTIGI NA

SuperBalita Cebu - - SUPER SPORTS -

Sugdan karong alas 6:30 sa gabii ang semi-finals showdown tali sa Meralco Bolts ug Alaska Aces sa Philippine Basketball Association (PBA) Governor’s Cup sa Ynares Center sa Antipolo City.

Ning sangkaa, grabe ka lisod ang naagian sa Bolts kumpara sa Aces gumikan kay nagkinahanglan sila’g duha ka sunodsunod nga kadaugan batok sa Phoenix Fuel Masters sa quarter-finals nga ilang natuman.

Niadtong Biyernes, nakaabante sa semis ang Bolts human nila giusban pagbuntog ang Fuel Masters, 108-103, pinaagi sa overtime.

Ning maong kadaugan, gidayeg og maayo ni Meralco coach Norman Black ang bag-o pa lang mibalik nga si Jared Dillinger gumikan sa maayong depensa niini ngadto sa pambato sa Fuel Masters nga si Calvin Abueva.

Si Dillinger wala nakaduwa sa tibuok elmination round gumikan kay naangol kini ug nakabalik lang kini sa quarter-finals.

“I got to give a little bit of credit to JD. He has not played in a long time and he was pretty much thrust into a situation where he would have to play against a very talented player in Calvin Abueva,” asoy ni Black sa interbyu sa Spin.ph.

Si Alaska coach Alex Compton personal nga misaksi sa quarter-finals nga kombati sa Meralco ug Phoenix aron estudyohan ang puwersa sa duha ka mga kampo.

“As I’m watching, honestly, I don’t want to play either team. We are going to. But people always ask me who do you want to play? The way they’re playing, neither. They’re both playing great,” matod ni Compton.

“I told the guys today, I’m so glad you guys played well against San Miguel and we won, but we’re gonna have to be better this semis.”

Usa sa mga gipangandaman og insakto ni Compton mao ang impresibong import sa Bolts nga si Allen Durham.

Dihang gipalagpot sa Bolts ang Fuel Masters, si Durham nagpakatap og 32 puntos ug 21 ka rebounds.

Basi sa gipakita sa Bolts sa nangagi nilang mga duwa nga naghatod kanila ning puntoha, nasayod si Compton nga kinahanglan nilang doblehon ang ilang paningkamot.

Sa premirong duwa sa duha ka mga kampo, gipangbuntog sa Aces ang Boits, 80-72, niadtong Agusto 24.

Newspapers in Tagalog

Newspapers from Philippines

© PressReader. All rights reserved.