PRESYO SA BUGAS GIHIUSA NA

SUGYOT NGA PRESYO ILUSAD UGMA

Ilusad ugmang adlawa, Nobiyembre 13, ang hiniusang

suggested retail price (SRP) alang sa bugas sa Central Visayas.

Mao kini ang gikompirmar ni National Food Authority (NFA) 7 regional director Fernando Nuñez sa Superbalita Cebu kagahapon.

Human gipatuman ang SRP sa bugas sa Metro Manila ug sa Greater Manila Area niadtong Oktubre 27, gilusad na usab kini sa regions 8 ug 10, ang Central Visayas na usab ang molusad ug mopatuman niini.

Matod ni Nuñez nga sa wala nila kini ilusad, makigtagbo una sila sa mga retailer sa bugas aron masuta kon tukma ang presyo o SRP nga ilang ipatuman alang sa rehiyon hilabi na nga dili

rice-producing ang rehiyon. Base sa official Facebook page ni Department of Agriculture (DA), si Secretary Emmanuel Piñol niigon nnga anaa ra sa P39 ngadto sa P47 ang kilo sa lokal ug imported nga regular, well-milled, ug premium rice.

Alang sa Regular Milled Rice (Local) anaa sa P39/kilo; WellMilled Rice (Local) P44/kilo; Premium Rice (Local) - P47/ kilo; Well-Milled Rice (Imported) P39/kilo; ug Premium Rice (Imported) - P43/kilo.

Tangtangnon na usab ang mga pangan nga naandan niini susama sa “Senandomeng”, “Super Angelica”, o “Double Diamond” nga usa sa gihulagway ni Piñol nga nakapalibog sa mga konsumidor.

Matod ni Nuñez nga pito ka klase sa bugas ang ilang ilusad, lakip ang Special Rice alang sa local ug imported.

Lakip sa makigtagbo sa mga retailer ugma sa buhatan sa NFA 7 ang Department of Trade and Industry (DTI) ug DA 7.

Ang dili motuman sa maong SRP, hatagan og written warning sa unang kalapasan apan sa mosunod nga paglapas, dunay silot nga pagkapriso sa upat ka buwan ngadto sa upat ka tuig ug multa nga P2,000 ngadto sa P1 milyon.

Kanselahon usab sa NFA ang lisensiya niini nga makabaligya og bugas. /

/ ARNI ACLAO ■PRESYO SA BUGAS: Usa kini sa mga tindahan sa bugas sa Carbon Market sa dakbayan sa Sugbo nga nagkalainlain ang presyo ug ngalan sa bugas. Ang National Food Authority (NFA) uban sa Department of Trade and Industry (DTI) nipatuman sa hiniusang ngalan sa klase ug presyo sa bugas nga ilusad sa Sugbo o Rehiyon 7 ugma human sa Metro Manila ug ubang rehiyon.

/ ALAN TANGCAWAN ■ KLASE SA BUGAS: Wala nay espisyal nga ngan sa bugas ug mahiusa na lang ngadto sa pito ka klase subay sa lagda sa National Food Authority (NFA) ug Department of Trade and Industry (DTI) lakip sa sugyot nga presyo sa klase sa bugas.