NETS GIPAKSIT SA WARRIORS

Cook, Durant nangulo sa kadaugan nga wa si Curry

Bisan wala si 2-time MVP Stephen Curry, ang host Golden State Warriors nakamaneho lang gihapon pagbuntog sa Brooklyn Nets, 116-100, kagahapon sa National Basketball Association (NBA) sa Oracle Arena.

Daw wala ra’y haw-ang ang Warriors sa pointguard nga posisyon gumikan kay ang nipas-an sa obligasyon ni Curry nga si Quinn Cook maayong nakaduwa.

Ang defending back-to-back champion Warriors gipangulohan na sab ni Kevin Durant pinaagi sa iyang 28 puntos ug 11 assists apan ang mihimo og grabeng langas mao si Quinn, kinsa nitampo og iyang season-high nga 27 puntos.

“I just feel like Quinn thinks that he’s always supposed to be ready no matter what,” matod ni Durant.

“When his number is called he’s able to go out there and produce, and that’s just because of the work he puts in every day. It’s no surprise to me that he can do this.”

Dili na sab bag-o alang kang Cook ang pagpas-an sa obligasyon ni Curry gumikan

kay iya na kining nahimo sa miaging season diin nahimo siyang starter sulod sa 18 ka mga duwa.

Apan ning higayuna, tatawng mas komportable na si Quinn nga modala sa obligasyon ni Curry. “That’s the mark of a pro,”

pagdayeg ni Warriors coach Steve Kerr kang Cook. “He’s a great fit for us. Always prepared and always ready. His role is going to swing wildly based on our health and what’s happening out on the floor but he’s always ready.”

Gamay ra og playing time si Cook ning maong season apan matod niya, ang kasinatian sa miaging season nakatabang og dako aron maandam ang iyang kaugalingon sa higayon nga magkinahanglan ang Warriors sa iyang kontribyusyon.

“Our guys do a great job of always making you feel important, making you feel a part of the team, even when you aren’t playing,” pasabot ni Cook.

“I felt comfortable out there and we got it done.”

Ang Warriors ningkombati nga wala sab gihapon ang lain pa nilang mga pambato nga sila si Draymond Green ug Shaun Livingston apan pinaagi sa ilang pagtinabangay, hapsay ra gihapon ang dagan sa ilang duwa.

Si Klay Thompson nidugang og 24 puntos alang sa Warriors.

/ AP ■ WA KAPUGNGI: Way nakapakgang sa sentro sa Los Angeles Lakers nga si JaVale McGee (no. 7) nga mihansak atubangan sa guard sa Sacramento Kings nga si Buddy Hield, tuo, atol sa first quarter sa ilang duwa kagahapon sa NBA. Ang Lakers milumos sa Kings, 101-86, sa maong duwa.