CURRY GISUGAT OG PILDE
Gisugat og kapildihan si 2-time MVP Stephen Curry sa iyang pagbalik og duwa sa back-to-back champion Golden State Warriors batok sa host Detriot Pistons, 111-102, kagahapon sa National Basketball Association (NBA).
Ang Pistons, nga mingsaka sa 13-7 nga rekord, gipangulohan ni Blake Griffin pinaagi sa iyang 26 puntos samtang nidugang og 16 puntos ug 19 rebounds si Andre Drummond.
“That’s obviously a great win,” matod ni Griffin. “You could tell by the crowd and the atmosphere tonight that we were facing a big team, and we protected our home floor.”
Ang presensya ni Drummond sa ilawom tataw’ng maoy naghatag sa Warriors og grabeng labad sa ulo sa kinatibuk-ang kombati.
“It is so tough to play Andre, because when they get some penetration, the bigs normally try to help, but if you take your body off him for a second, he’s going to get the rebound,” matod sa usa sa mga sinaligan sa Warriors nga si Kevin Durant.
Gawas nila ni Griffin ug Drummond, ang Pistons aduna pa’y laing upat ka mga magduduwa nga nakamugna og dobleng numero nga puntos.
“Our guys understand their roles and they are accepting the role and being the most valuable player they can in that role,” asoy ni Pistons coach Dwane Casey.
“We’re playing with energy and we were able to beat the champs on a night when we only shot 44 percent and 34 percent from the line. We know we can play better than this.”
Ang Warriors, nga nahagbong sa 15-9 nga rekord, gipangulohan na sab ni Durant pinaagi sa iyang 29 puntos.
Si Curry, kinsa wala nakapakita og aksyon sa miaging 11 ka mga duwa sa Warriors tungod sa iyang angol sa tiil, niamot og 27 puntos samtang nitampo og 21 puntos si Klay Thompson.
“It felt good to be back out there, but in the first half, I was going 100 miles an hour without my timing being back,” batbat ni Curry.
“In the second half, I played a lot closer to where I want to be. The shots started falling and I was aggressive without making stupid plays.”
Si Warriors coach Steve Kerr mibasol sa iyang kaugalingon nga maoy hinungdan sa ilang kapildihan gumikan kay napasagdan niyang makapasulod og 12 ka three-point shots ang Pistons ug makalangkat og 14 ka offensive rebounds ning maong kombati.
Alang kang Kerr, mao kini ang labing ngil-ad niyang pagcoach sa Warriors.