Daghang natingala
Daghan ang natingala og unsa gyod ang rason nga nag-inaugural man sa Panglao airport kaniadtong Nobiyembre 27 nga mismo si PRRD ang bisita sa pagsubo.
Wala pa mahuman ang airport. Wala pay canteen, walay bisan usa nga coffee shop, way restaurant o bisan unsa na lang nga kan-anan. Dunay problema ang salog. Danglog ang salog. Hasta ang flooring sa tubes nga gamiton sa mga pasahero pagsulod og gawas sa eroplano, danglog sab.
Bisan gani ang mga kasilyas, maila nga gidali-dali lang pagtrabaho.
Ang pangutana: Nganong gidalidali man pag-inaugurate ang maong airport nga daghan pa man og kulang? Buyno, nindot ang runway. Paglupad ug pagdunggo sa eroplano, hamis ang runway Ug dili na madungog ang kasikas sa ligid nga molabay sa dili patag nga runway.
Taas ang runway ug dili na kinahanglan nga mag-reverse thrust ang makina sa eroplano.
Matod pa ni Transportation Secretary Art Tugade, ang runway dunay gitas-on nga 2.5 kilometers.
Apan mahimo pa kini nga sumpayan aron mahimong 2.8 kilometers ang kataas.
Sa pagka-karon, padayon ang pagtrabaho sa extension sa maong runway aron moabot kini sa 2.8 kilometers.
Midugang si Undersecretary Art Evangelista sa Office of Transport Security (OTS) nga maoy gusto sa mga airlines gikan (Ang kinatibuk-ang lindog ni Atty. Diputado mabasa sa https://www.sunstar.com.ph/ article/1777142/Superbalita-Cebu/Opinyon/ Diputado-Daghang-natingala sa US nga makaabot og 2.8 kilometers ang maong airport aron mahimo na sila nga mag-abri sa rota paingon sa Panglao airport.
Daghan sab ang natingala sa pangalan sa airport.
Gitawag ang airport og “Bohol Panglao International Airport.”
Nganong dili man “Panglao, Bohol International Airport?”
O kaha, “Bohol International Airport?”
O kaha, “Panglao International Airport?”
Nganong lahi man kini sa uban, sama sa Mactan-Cebu International Airport?
Unsay rason nga giuna man ang “Bohol” sa “Panglao” sa paghingalan sa maong airport?
Daghan ang natingala ngano nga “dry” kaayo ang diskurso ni PRRD panahon sa inaugural program.
Wa gyoy ka life-life, morag way gana si PRRD sa maong higayon.
Dunay “duwende” misulti nga dihay nahibaw-an si PRRD nga balita sa wala pa siya mosulod sa airport terminal nga maoy hinungdan nga namalikas kini og “P____ Ina.”
Matod pa, nahibaw-an kuno ni PRRD nga dunay pipila ka bilyon ka pesos nga insertion nga gihimo sa House alang sa 2019 budget.
Dakong supak si PRRD niini, matod pa sa duwende.
Unsa man kahay buhaton ni PRRD?
Gahinam-hinam ang mga tawo sa dihang misugod na og sulti si PRRD sanglit nagtuo ang kadaghanan nga basahon ni PRRD ang giingon nga “drug matrix.”