GATOSAN KA PAMILYA NAHATAGAN OG BALAY

Kananga Leyte - Gatosan ka pamilya sa Kananga Leyte nga biktima sa linog niadtong Hulyo 2017 ang nakapanag-iya na karon og balay gikan sa National Housing Authority (NHA).

Sa 211 ka housing units nga itukod sa NHA sa Barangay Hiloctogan ning lungsod, 176 na ang nahuman ug 118 ang duna nay tag-iya.

Matod ni Rhea Canillas, senior

community relations officer sa NHA, gi-raffle nila sa miaging Sabado ang mga pamilya nga manag-iya sa 118 nga unit. “Bali first batch pa lang po yung 118 but target natin na malipat lahat ng 211 beneficiaries by

next year” matod ni Canillas. Apan ang 118 ka pamilya wala pa nagpuyo sa bag-o nilang balay kay huwaton pa nga mahuman pagtukod tanan units ug mahuman pag instalar ang tubig ug kuryente. “Okay naman yung sa kuryente

natin pero naghahanap pa ngayon ng source para sa tubig,” dugang ni Canillas. Ang maong mga housing units dunay lot area nga 40 sqaure meters ug 28.6 square meters nga floor area. Ang kinatibuk-ang sukod sa yuta nga gitukoran moabot sa 1.7 hektarya.

Conventional type ang maong unit ug kongkreto usab kini diin matag usa ka unit nagkantidad og P290,000.

Gisiguro ni Canillas nga luwas usab alang sa mga pamilya

ang lugar nga ilang gitukoran sa kabalayan.

“Pag ang NHA ang nagpatayo ng housing units sinisiguro po natin na meron lahat ng permit from MGB, Phivolcs at

iba pa” dugang ni Canillas. Kung mahuman na pagtukod ang tanan units ug ma instalar na ang tubig, anha pa kini i-turn

over sa lokal nga kagamhanan sa Kananga ug mabalhinan na sa mga benepisyaryo.

Mapasalamaton naman si Kananga Leyte Mayor Rowena Codilla sa maong proyekto kay niini mahatagan og saktong kapuy-an ang mga biktima sa linog.

Misaad si Codilla sa NHA ug ubang sektor nga di magduha duha sa pag suporta ang lokal nga kagamhanan basta maka benepisyo lang ang mga taga Kananga. /