Kanhi police asset gipatay

SuperBalita Cebu - - BALITA -

Kaila ug posible nga kauban sa negusyo sa ilegal nga drugas ang nipusil-patay sa usa ka lalake sa Barangay Jagobiao, dakbayan sa Mandaue alas 3:00 sa hapon niadtong Disyembre 5.

Si Romeo Mejias Jr., 32, molupyo sa Sitio Sto. Rosario, Jagobiao, nagmaneho og motorsiklo padung uli sa dihang

gipusil sa makadaghan nga higayon sa mga mamumunong nakamotorsiklo usab.

Matod sa nga nakasaksi nga giatngan si Mejias sa eskina Eversley Road sa Barangay Jagobiao sa mga mamumuno.

Matod ni Police Senior Inspector Rodgene Fudotan, hepe sa Basak Police Station, nga kanhi police asset si Mejias, apan ka- dugayan nahimo na nga tawo sa kanhi drug lord nga si Steve Go, kinsa napatay sayo ning tuiga sud sa bilangguan.

Matod sa mga nakasaksi nga sa dihang natumba si mejias, giduol pa kini sa mamumuno ug gitiwasan sa pagpusil.

Gidali pa unta kini pagdala sa mga tawo nga duol sa crime scene sa ospital, apan gideklarar na kini nga dead-on-arrival.

Si Mejias nakagawas sa Mandaue City Jail niadtong Septiyembre 2018. Napriso siya tungod sa kaso sa paghupot og di lisensyadong armas.

Apan sukad sa pagkagawas sa prisuhan giingon nga nagpadayon kini sa pagpamaligya og shabu, gani giingon nga anaa kini sa drug watch list sa barangay.

Hinungdan nga gisunod sa kapulisan bahin sa ilegal nga drugas ang kamatayon ni Mejias.

Newspapers in Tagalog

Newspapers from Philippines

© PressReader. All rights reserved.