Kaso sa AIDS tungod sa lalake-lalake nga pakighilawas, mitaas

SuperBalita Cebu - - BALITA -

Mas daghan ang natala nga aduna’y HIV/Aids sa Central Visayas gumikan sa pakighilawas sa susamang lalake kon itandi sa injecting

drug use (IDUs) sa labing uwahi nga datus sa Depatment of Health (DOH) 7 sugod Enero ning tuiga hangtod Septiyembre. Samtang daghan usab ang natala nga patay karong tuiga

tungod sa HIV/Aids.

Karon lang tuiga niabot na sa 356 ang natala nga positibo sa HIV/Aids sa Central Visayas gumikan sa pakighilawas sa parehong lalake ug gisundan kini sa 142 ka kaso sa mga lalake nga bisexual o nakighilawas sa babaye ug lalake.

Ikatulo lang ang IDUs nga aduna’y kaso nga 133.

Apan kon sumahon ang datus gikan 1984 hangtod sa Septiyembre 2018, naguna gihapon ang IDUs nga daghang kaso diin anaa na kini sa 2,113 diin gisundan kini sa 1,579 ka kaso sa pakighilawas sa parehong lalake.

Kon itandi sa nakalabayng tuig, niubos ang ranking sa Central Visayas sa gidaghanon sa kaso sa HIV/AIDS. Gikan sa ikatulo, ninaog ang rehiyon ngadto sa ikaupat nga dapit.

Apan pasabot ni Francis Irvin Baring, coordinator sa HIV/AIDS program sa DOH 7, nga dili kini angayan nga mokompyan sa sanglit ang risgo sa pagtakod sa maong sakit nagpabiling taas.

Karong tuiga, 34 ang patay gikan sa 1 53 nga patay sukad 1984. Alang kang Baring, ang risky behavior ug ang pagdaghan sa mga cruising sites.

Newspapers in Tagalog

Newspapers from Philippines

© PressReader. All rights reserved.