Adlaw sa Inahan sa Kanunayng Panabang sa Sabado, holiday

Sa unang higayon, special non-working holiday ang Disyembre 8, ugma, isip timaan sa kapistahan sa Inmaculada Concepcion.

Tungod niini, gipahinumduman sa Department of Labor and Employment (Dole) 7 ang employers nga mopatrabaho sa ilang kawani nga aduna’y dugang 30% sa ilahang sweldohan ang madawat sa kawani nianang adlawa.

Matod ni Dole 7 Regional Director Johnson Cañete, kung wala’y trabaho nianang adlawa, wala usab kini’y suweldo o dugang 30 percent.

“We are reminding employers to pay an additional 30% of workers’ hourly rate on said day for work done in excess of eight hours because that is already an overtime work,” si Cañete nagkanayon.

Niadtong Disyembre 7, 2017, gipirmahan ni Presidente Rodrigo Duterte ang Republic Act 10966 nga nagdeklarar sa Disyembre 8 isip holiday.

Samtang aduna’y hangtod Disyembre 24 ang mga employer sa paghatag sa 13th month pay sa ilahang tanang rank-and-file nga mga empleyado.

Apan giklaro ni Cañete nga kon anaa ka sa managerial position, dili ka mahatagan niining 13th month pay.

“A managerial employee is one who has the power to lay down and execute management policies and to hire, transfer, suspend, layoff, recall, discharge, assign or discipline employees or even to effectively recommend such managerial actions.”

Ang 13th month pay susama kini sa usa ka buwan nimo nga sweldohan.

Gibutyag usab ni Cañete nga lakip sa 13th month pay ang mga helper sa balay o katabang.