SUPERLINGAW

Naagian na sad nako nga nagbuy-od sa aseras nga hugaw kaayo si Elmo lasinggo. Kausa ako kining giagian nga nagyawyaw. Mihunong ko kadiyot ug nasabak gyud sa akong panungog. “They don’t know me that I know Walt Whitman, hik, the best poet,hik, in America second to none, hik!” Dayon midailos siya sa semento ug mihagok.

Na-intriga ko sa iyang gisulti. Iningles pa. Kinsa ning tawhana nga nakaila kang Walt Whitman, ang unang nagbuhi sa Amerikanhong pamalak ngadto sa pagka gawasnon diin gipamugto ang guwarni sa tradisyon.

Sunod adlaw mipaduol ko sa nahimutangan ni Elmo sa suki aning aseras kilid sa usa ka karaang bilding duol sa Pier 1. Nakita kong usa ka desenteng tawo nga mihatag niinig usa ka botelyang kulafu ug usa ka plastik bag nga adobo. Human mopikpik sa abaga, daling milakaw kini.

Akong gisunod. Naapsan nako sa kusog kong mga lakang. Mihunong siya kadiyot ug nakig-estorya ko. Akong nahibaw-an nga iya kining maguwang. Di na matabang kuno ang pagka ‘alcoholic’ ni Elmo. Kapila na ni nila gipa-rehab. Undang lag kadiyot mobalik na sad sa pag-inom. Patay na ang ilang ginikanan ug siya na lang ang nahabilin nga igsuon kay ang uban nangamatay na. Akong gipangayo ang iyang adres.

Nahigala ko siya kay maayog kinaiya. Nahibaw-an ko nga kaliwat sila sa mga Borromeo Family sa siyudad. Maayo ang pagkabutang. Nakita ko ang daghang sakyanan sa nataran sa luho niining panimalay.

“Negusiyante ko ug usa ra ang akong anak nga tua sa sa kinabuhi.

Dugay kong nawa sa Sugbo kay nakakuha kog scholarship abroad sa akong doctoral studies sa world literature. Sa akong pagbalik akong nahibaw-an nga namatay na si Elmo. Miadto ko gilayon sa balay ni Mr. Borromeo, apan namatay na kini nianang milabay nga tulo ka buwan. Nagpanlingo ko sa kabalaw. Mingaw baya ko kang Mr. Borromeo nga mahigalaon kaayo nako. Diha pa nako ang sulat kay akong gitipigan.

Nasiga ang akong mga mata sa nabasa sa suwat. Gihatag nako ang bahin ni Elmo sa ilang katigayunan sa tugon nga ang katunga gamiton sa pagpalambo sa bisan unsang proyekto nga may kalambigitan sa panuwat. Dihay note: “In respect to my brother who was a good frustrared writer, en tu memorial.”

Mihangad ko sa langit nga nagsagol ang pagbati. Dihay luha nga mihana sa paglugok sa akong mga mata. “Salamat, Elmo ug Sir Borromeo.”

(KATAPUSAN)

Kini nga seksyon gitagana alang sa paglingawlingaw sa mga bata ug pagtabang sa ilang pagtuon labi na sa pag-ehersiyo sa ilang linghod pa nga panghunahuna.