Kapitan gironda, daghang mga armas nakuha

SuperBalita Cebu - - BALITA -

Panimalay sa usa ka barangay kapitan sa lungsod sa Tuburan, Cebu gironda sa kapulisan ug adunay mga mga armas nga nasakmit.

Iyang anak ug duha ka mga umagad nasikop sa alas 7 sa buntag sa Biyernes, Disyembre 7, sa bukirang lugar sa Brgy.Amatugan, lungsod sa Tuburan.

Wa maabti sa kapulisan diha sa iyang panimalay si Kapitan Braulio Umandac. Apan napusasan sila si Edwin Cadungog, Jr.,31, ug George Ian Colia, 32, iyang mga umagad ingon man iyang anak nga si Joberlito Umandac, 34.

Si PO3 Landy Divenagracia, sa Tuburan Police nga nahinabi sa Superbalita Cebu nagkanayon nga bitbit nila ang search warrant nga gi-isyu ni Judge Hermes Montero sa Regional Trial Court (RTC) 7 Branch 59 may kalambigitan sa RA 10591 kun Comprehensive Law on Firearms and Ammunition tungod sa paghupot sa kapitan og daghang tag-as nga mga armas nga way lisensiya.

Matod pa ni Divenagracia nga narekuber nila sa panimalay ni Kapitan Umandac ang usa ka kalibre.45 nga pistola, duha ka .357 caliber revolver, duha ka improvised pistol nga ang bala sa shot gun ug usa ka pugakhang.

Samtang sa umagad nga si Cadungog nakuhaag KG9 submachine pistol nga dunay duha ka mga magazine nga puno sa mga bala. Ang anak nga si Joberlito nakuhaag usa ka .357 caliber revolver nga dunay upat ka mga bala.

Newspapers in Tagalog

Newspapers from Philippines

© PressReader. All rights reserved.